نرخی نەوت بەرزبووەوە

K24 - هەولێر

نرخی نەوت لە کۆتا مامەڵەکانی رۆژی هەینی بەرزبووەوە، هۆکاری سەرەکی ئەو بەرزبوونەوەیەش مەترسییە لە خستنەڕوو، دڵەڕاوکێکان لە هێرشی رووسیا بۆ سەر ئۆکراینا، ئەوەش وایکرد نرخی نەوت بۆ چوارەم هەفتەی لەسەر یەک بەرزبێتەوە، سەرەڕای ئەوەی چەند سەرچاوەیەک ئاشکرایان کردووە، چین ئامادەکاری دەکات بۆ خستنەڕووی یەدەگی نەوتەکەی.

لەسەر ئاستی مامەڵەکاندا، نرخی بەرمیلێک نەوتی خاوی برێنت بە رێژەی 1.9% بۆ 86.06 دۆلار بەرزبووەوە، کە ئەوەش بەرزترین ئاستە لە دوو مانگ و نیوی رابردوویدا و بە درێژایی هەفتەی رابردوو 5.4% بەرزبووەتەوە.

نرخی نەوتی سووکی تێکساسیش بە رێژەی 2.1% بۆ 83.82 دۆلار بۆ هەر بەرمیلێک دابەزی، بە درێژایی هەفتەی رابردووش بە رێژەی 6.3% بەرزبووەتەوە.

ئەمە لە کاتێکدایە چەند بەرپرسێکی ئەمەریکی ترسیان لە چارەسەرکردنی رێگەی دیپلۆماسی بۆ چارەسەرکردنی کێشەی ئۆکراینا هەیە، بە تایبەت کە رووسیا 100 هەزار سەربازی لە سەر سنووری ئۆکراینا کۆکردووەتەوە.

لە هەمان کاتدا، چەند بانکێک پێشبینی دەکەن نرخی نەوت لەمساڵدا بۆ سەرووی 100 دۆلار بەرزبێتەوە.