بووكێك له‌ شه‌وی ئاهه‌نگه‌كه‌ی گیانی له‌ده‌ستدا

"له‌ دڵخۆشیدا گیانی سپارد".. زاوا ورده‌كاری شه‌وی ئاهه‌نگه‌كه‌یان ده‌گێڕێته‌وه‌
هاجه‌ر دوای ته‌واو بوونی ئاهه‌نگی هاوسه‌رگیرییه‌كه‌ی گیانیله‌ده‌ستدا
هاجه‌ر دوای ته‌واو بوونی ئاهه‌نگی هاوسه‌رگیرییه‌كه‌ی گیانیله‌ده‌ستدا

K24 - هه‌ولێر:

گه‌نجێكی میسری له‌ پارێزگای جیزه‌، هۆكاری گیانله‌ده‌ستدانی هاوسه‌ره‌كه‌ی، له‌ شه‌وی بووكێنی ئاشكرا كرد و رایگه‌یاند، دوای گه‌یشتنمان بۆ ئه‌و شوقه‌یه‌ی تێیدا نیشته‌جێ بووین، بووك چووه‌ته‌ گه‌رماو و له‌وێ گیانی له‌ده‌ستدا.

به‌ گوێره‌ی راپۆرتێكی رۆژنامه‌ی "یه‌وم ئه‌لسابع"، بنكه‌ی پۆلیسی هه‌ره‌م له‌ مردنی ئافره‌تێك ئاگاداركراونه‌ته‌وه‌، ئه‌وانیش دوای پشكنین و لێكۆڵینه‌وه‌، هۆكاری مردنی ئه‌و بووكه‌ تازه‌یه‌یان بۆ خنكان به‌ گازی گه‌رماوه‌كه‌ گه‌ڕاندووه‌ته‌وه‌.

هاجه‌ر ماوه‌ی 5 ساڵ چاوه‌ڕێ ده‌ستگیرانه‌كه‌ی كردووه‌
هاجه‌ر ماوه‌ی 5 ساڵ چاوه‌ڕێ ده‌ستگیرانه‌كه‌ی كرد، به‌ڵام هاوسه‌رگیرییه‌كه‌ی چه‌ند كاتژمێرێكی كه‌می خایاند

به‌ڵام زاواكه‌، "ئیسلام" به‌ رۆژنامه‌ی "میسری ئه‌لیه‌وم"ی راگه‌یاند، ئه‌وه‌ی پۆلیس باسی ده‌كات، راست نییه‌ و ئه‌گه‌ر شتێكی وا هه‌بووایه‌، ئێمه‌ ده‌مانزانی، هیچ دزه‌كردنێك گاز نه‌بووه‌، به‌ڵكو بووك "هاجه‌ر" به‌ هاوسه‌رگیرییه‌كه‌ زۆر دڵخۆش بووه‌، بۆیه‌ گیانی له‌ده‌ستداوه‌.

ئیسلام وه‌كو ئه‌ندازیار ماوه‌ی 7 ساڵه‌ له‌ دوبه‌ی كار ده‌كات، 5 ساڵیشه‌ له‌گه‌ڵ هاجه‌ر ده‌ستگیرانداره‌، له‌ 3ی ئه‌م مانگه‌ گه‌ڕاوه‌ته‌وه‌ بۆ قاهیره‌، به‌بێ ئه‌وه‌ی‌ هاجه‌ر ئاگادار بكاته‌وه‌، ئه‌و گه‌نجه‌ ده‌ڵێت هاوسه‌ره‌كه‌م زۆر چاوه‌ڕێی كردم تا هاتمه‌وه‌ و به‌یه‌كگه‌یشتین، رۆژی سێشه‌ممه‌ی رابردوو هاوسه‌رگیریمان كرد.

ئاماژه‌ی به‌وه‌ش كرد، رۆژی هاوسه‌رگیرییه‌كه‌ زۆری دڵی خۆشبووه‌، دوای لێكردم ماوه‌ی ئاهه‌نگه‌كه‌مان كاتژمێرێكی دیكه‌ش درێژ بكه‌مه‌وه‌، ئه‌و رۆژه‌ بڕوای نه‌ده‌كرد هاوسه‌رگیرمان كردووه‌.

زاوا ده‌ڵێت بووكه‌كه‌ی ئه‌وه‌نده‌ دڵی خۆشبووه‌، ئاماده‌ نه‌بووه‌ جلی بۆكێنییه‌كه‌ی له‌به‌ربكاته‌وه‌، هه‌ر خه‌ریكی وێنه‌گرتن بووه‌
زاوا ده‌ڵێت بووكه‌كه‌ی ئه‌وه‌نده‌ دڵی خۆشبووه‌، ئاماده‌ نه‌بووه‌ جلی بۆكێنییه‌كه‌ی له‌به‌ربكاته‌وه‌، هه‌ر خه‌ریكی وێنه‌گرتن بووه‌

زاوا له‌باره‌ی مردنی بووك ئاشكرای كرد، دوای ته‌واوبوونی ئاهه‌نگی هاوسه‌رگیریمان، گه‌ڕاینه‌وه‌ شوقه‌كه‌مان، هاجه‌ر چووه‌ گه‌رماو، ماوه‌ی 35 خوله‌كی پێچوو و هه‌ر نه‌هاته‌ ده‌ره‌وه‌،‌ له‌ ده‌رگام دا، نه‌یكرده‌وه‌ و ده‌نگیشی نه‌بوو، بۆیه‌ چوومه‌ گه‌رماوه‌كه‌، بینیم له‌سه‌ر زه‌وی كه‌وتووه‌ و بوراوه‌ته‌وه‌.

گوتیشی: ئه‌و كاته‌ی بردمه‌ نه‌خۆشخانه‌، له‌ ژیاندا بوو و هه‌ناسه‌ی ده‌دات، پێچه‌وانه‌ی ئه‌وانه‌ی ده‌ڵێن خنكاوه‌، یان به‌ گاز مردووه‌، نه‌خێر ئه‌و له‌ دڵخۆشیدا گیانی سپارد.

ماوه‌ی هاوسه‌رگیرییه‌كه‌ی ئیسلام و هاجه‌ر چه‌ند كاتژمێرێك به‌رده‌وام بوو
ماوه‌ی هاوسه‌رگیرییه‌كه‌ی ئیسلام و هاجه‌ر چه‌ند كاتژمێرێك به‌رده‌وام بوو