باڵیۆزخانه‌ی ئه‌مه‌ریكا له به‌غدا: دژی هێرشه تیرۆریستییه‌كه‌ی داعشین له دیاله
K24 - هه‌ولێر:
باڵیۆزخانه‌ی ئه‌مه‌ریكا له به‌غدا، له راگه‌یه‌ندراوێكدا پاڵپشتی خۆی بۆ عێراق ده‌ربڕێ به‌رامبه‌ر ئه‌و هێرشه تیرۆریستییه‌ی كرایه سه‌ر سوپا له دیاله.
له راگه‌یندراوه‌كه‌دا هاتووه: ئه‌مه‌ریكا ئه‌و هێرشه تیرۆریستییه‌ی كرایه سه‌ر سوپای عێراق له دیاله سه‌ركۆنه ده‌كات، كه بووه هۆی كوژرانی 11 سه‌ربازی هێزه ئه‌منییه‌كان.
ئاماژه به‌وه‌ش كراوه، ئێمه شانبه‌شان له‌گه‌ڵ هاوبه‌شه عێراقییه‌كانمان ده‌وه‌ستین بۆ رووبه‌ڕووبوونه‌وه‌ی ئه‌و كرده‌وه تیرۆریستییه، له دڵه‌وه هاوخه‌می خۆمان بۆ خێزانی قوربانییه‌كان ده‌رده‌بڕین.
به‌ره‌به‌یانی ئه‌مڕۆ هه‌ینی له رۆژئاوای ناحییه‌ی عوزێم له نێوان گوندی (تاڵعه و ئووم كه‌رامی) سه‌ر به پارێزگای دیاله، داعش هێرشیكرده سه‌ر فه‌وجی یه‌كی لیوای دووی سه‌ر به سوپای عێراق و 11 سه‌رباز و پله‌دارێك بوونه قوربانی.
تُدين الولايات المتحدة الأمريكية الهجوم الإرهابي على مقر الجيش العراقي في محافظة ديالى، والذي أسفر عن مقتل 11 عنصرا من قوات الأمن العراقية.
— U.S. Embassy Baghdad (@USEmbBaghdad) January 21, 2022
نحن نقف مع أصدقائنا وشركائنا العراقيين في مواجهة هذا العمل الإرهابي ونتقدم بتعازينا القلبية لعوائل القتلى.