هاوپهیمانی نێودهوڵهتی: له هاوكاریكردنی هێزهكانی پێشمهرگه بهردهوام دهبین
K24- ههولێر:
ئەمهریکا و هاوپەیمانی نێودەوڵەتی لە هاوکاریکردنی هێزەکانی پێشمەرگە بەردەوام دەبن و پشتیوانیش لە یەکخستنەوەی هێزەکانی پێشمەرگە دەکەن.
ژەنەڕاڵ نیك دۆسیچ، فەرماندەی هێزە راوێژکارییەکانی هاوپەیمانی نێودەوڵەتیی دژ به داعش لە لێدوانێکی رۆژنامەوانیدا رایگەیاند، یەکێك لە ئامانجەکانیان مەشقپێکردنی هێزی هاوبەشی سوپای عێراق و پێشمەرگەیە و گوتیشی: هاوپەیمانی نێودەوڵەتی بە گشتی و ئەمهریکا بە تایبەتی لە هاوکاریکردنی هێزەکانی پێشمەرگە بەردەوام دەبن و جهختیشی كردهوه، هاوپەیمان لە کۆنتڕۆڵکردنی دۆخەکە و دەستگیرکردنەوەی چەکدارانی داعش هاوکاری هەسەدە دەکەن.
ئهو ژهنهراڵه گوتی: هاوپەیمانی نێودەوڵەتی هاوکاری هەسەدە دەکات لە شەڕەکەیان بۆ کۆنترۆڵکردنی دۆخی گرتووخانهی گوێران و هەڵهاتنی چەکدارانی داعش لە گرتووخانەکە و دەستگیرکردنەوەی سەرجەم هەڵهاتووەکان و لەناوبردنی هەر هەڕەشەیەك بۆ سەر ناوچەکە.
ئاماژهی بهوهشدا، "پێموابێت لێهاتوویی پاسەوانانی سەر سنووری سوپای عێراق و هێزەکانی پێشمەرگە وادەکات کە بتوانرێت رەوشی ناوچە سنوورییەکان پارێزراو بێت و ئەو چەکدارانە نەبنە هەڕەشە بۆ سەر ئاسایشی عێراق و هەرێمی کوردستان".
جهختیشیكردهوه، "یەکێك لە ئامانجەکانمان پێكهێنانی هێزێکی هاوبەشه لە نێوان سوپای عێراق و هێزەکانی پێشمەرگە و مەشق و راهێنان بەو هێزە بکەین".
گوتیشی: "هاوپەیمانی نێودەوڵەتی بە گشتی و ئەمهریکا بەتایبەتی بەردەوام دەبێت لە هاوکاریکردنی هێزەکانی پێشمەرگە و هیچ هۆکارێکیش نابینم بۆ راگرتنی ئەو هاوکاریانە و پەیوەندییەکی پتەویشمان لەگەڵ پێشمەرگە هەیە".
ههروهها دووپاتیكردهوه، "لەبارەی یەکخستنەوە و چاکسازییەکانی نێو هێزی پێشـمەرگەش، ئەمە ویستی هاوپەیمانی نێودەوڵەتییە و دەمانەوێت ببینین، كه سەرجەم هێزەکانی پێشمەرگە لەژێر فەرمانی وەزارەتی پێشمەرگەدا بن و یەکبگرنەوە و چاکسازییەکانیش بەردەوام بن".
H.B