کەشناسی رەوشی کەشوهەوای راگەیاند

K24 – ھەولێر

بەگوێرەی پێشبینییەکانی کەشناسی بەڕێوەبەرایەتی کەشناسی و بومەلەرزەزانی هەرێمی کوردستان، ئەمڕۆ شەپۆلێکى لاوازى بەفرو بارانبارین هەرێمی کوردستان دەگرێتەوە.

وەک لە راپۆرتی پێشبینیەکانی کەشناسی ئاماژەی پێکراوە، ئەمڕۆ شەپۆلێکى لاوازى بەفر و باران رۆژئاوای هەرێمى کوردستان دەگرێتەوە، تەنها لە ناوچە شاخاوییە بەرزەکانى  پارێزگاى دهۆک و هەولێر بەفربارینێکى کەم دەبێت و رێژەى داباریینەکە لە پارێزگاى دهۆک زیاتر دەبێت، ئەم شەپۆلەش تا بەرەبەیانى رۆژى سێ شەممە بەردەوام دەبێت.