سەرۆک بارزانی پێشوازی لە وەزیری دادی لوبنان دەکات
K24 - ههولێر:
سەرۆک مەسعود بارزانی، پێشنیوەڕۆی رۆژی دووشەممە (24ی کانوونی دووەم/ یهنایهری 2022) لە سەلاحەددین پێشوازی لە دادوەر ھنری خووری، وەزیری دادی لوبنان و شاندێکی یاوەری کرد، کە لە سەرۆکی ئەنجومەنی دادوەری لوبنان و یاریدەدەری ئەمینداری گشتی کۆمکاری عەرەبی و ژمارەیەک راوێژکار پێکھاتبوو.
لە دیدارەکەدا نێوان سهرۆك بارزانی و وهزیری دادی لوبنان و شاندهكهی، بیروڕا لەبارەی بارودۆخی سیاسی ناوچەکە بەگشتی و لوبنان و عێراق بە تایبەتی ئاڵوگۆڕکران.
ھەڕەشەی تیرۆر لە عێراق و سووریا و ناوچەکە و دۆخی ھەرێمی کوردستان تەوەرێكی دیكهی ئەو دیدارەبوون.