خشتەی دوو رۆژی دابەشکردنی مووچە راگەیەندرا
K24 – هەولێر
دوێنێ دابەشکردنی مووچەی مانگی 1ی 2022 دەستیپێکرد و ئەمڕۆ و سبەش مووچەی چەند شوێنێکی دیکە دابەش دەکرێت.
سەرچاوەیەک لە وەزارەتی دارایی بە کوردستان24ی راگەیاند "ئەمڕۆ چوارشەممە 26/1/2022، مووچەی دیوانی وەزارەتی پێشمەرگە و لیواکان بۆ مانگی 1 دابەش دەکرێت".
گوتیشی: "سبەی رۆژی پێنجشەممە 27/1/2022، مووچەی یەکەکانی 70 و 80ی هێزی پێشمەرگە دابەش دەکرێت".
سەرچاوەکە ئاماژەی بەوەشکرد: "دابەشکردنی مووچە بە هەمان میکانیزمی مانگەکانی پێشوو بەبێ لێبڕین دابەش دەکرێت و لە سەرەتای هەفتەی داهاتووش دابەشکردنی مووچە بەردەوام دەبێت".
رۆژی 25ی ئەم مانگە وەزارەتی دارایی دەستی بە دابەشکردنی مووچەی مانگی 1ی 2022 کرد، لە یەکەم رۆژیشدا مووچەی وەزارەتی تەندروستی دابەشکرا.