مەسرور بارزانی سەرکۆنەی هێرشە تیرۆرستییەکەی شوێنی حهوانهوهی سەرۆکی پەرلەمانی عێراق دەکات
K24 - ههولێر:
مەسرور بارزانی، سەرۆکی حکومەتی هەرێمی کوردستان لە تویتێکدا سەرکۆنەی هێرشەکەی سهر شوێنی حهوانهوهی حەلبووسی کرد و نووسیویەتی: بە توندی سەرکۆنەی هێرشە تیرۆرستییەکەی سهر شوێنی حهوانهوهی محەمەد حەلبووسی، سەرۆکی پەرلەمانی عێراق لە قەزای گەرمە دەکەم.
سهرۆكی حكومهتی ههرێمی كوردستان لەبارەی هێرشەکەوە نووسیویەتی: ئەم هێرشە پێشهاتێکی مەترسیدارە و تێکدانی ئاسایش و سەقامگیری عێراق دەکاتە ئامانج.
مەسرور بارزانی لە کۆتایی تویتەکەیدا هیوای زوو چاکبوونەوەی بۆ برینداران خواست.
أُدين بشدة الهجوم الإرهابي الشنيع الذي استهدف مضيف رئيس مجلس النواب العراقي السيد @AlHaLboosii في قضاء الكرمة. هذا التصعيد الخطير يستهدف زعزعة الامن والاستقرار في العراق. نتمنى الشفاء العاجل للجرحى.
— Masrour Barzani (@masrour_barzani) January 26, 2022
شانهی راگهیاندنی ئهمنی بڵاویكردهوه، شەوی رابردوو بە 3 مووشەك هێرشکرایە سەر شوێنی مانەوەی محەمەد حەلبوسی، سەرۆکی ئهنجومهنی نوێنهرانی عێراق لەناوچەی "الكرمة"ـی سهر به پارێزگای ئەنبار.
بەگوێرەی زانیارییە سەرەتاییەکان 2 هاووڵاتی پیاده بریندار بوونه، مووشهكهكانیش له بهری رووباری دیجلهوه ئاڕاسته كراون.