دوای سه‌ردانه سه‌ركه‌وتووه‌كه‌ی بۆ ئیمارات سه‌رۆكی حكومه‌تی هه‌رێمی كوردستان گەڕایەوە هه‌ولێر

سه‌رۆكی حكومه‌تی هه‌رێمی كوردستان، له‌ دیداره‌كاندا، تیشكی خسته‌ سه‌ر پرۆسه‌ی سیاسی له‌ عێراق و پێشڤه‌چوونه‌كانی ناوچه‌كه‌
دیداری مەسرور بارزانی، سەرۆکی حکومەتی ھەرێمی کوردستان لەگەڵ شێخ محه‌مه‌د بن زاید، جێنشینی ئه‌بوزه‌بی و جێگری فه‌رمانده‌ی باڵای هێزه‌ چه‌کداره‌کانی ئیمارات
دیداری مەسرور بارزانی، سەرۆکی حکومەتی ھەرێمی کوردستان لەگەڵ شێخ محه‌مه‌د بن زاید، جێنشینی ئه‌بوزه‌بی و جێگری فه‌رمانده‌ی باڵای هێزه‌ چه‌کداره‌کانی ئیمارات

K24 – هه‌ولێر:

مه‌سرور بارزانی، سه‌رۆكی حكومه‌تی هه‌رێمی كوردستان، دوای سه‌ردانه‌‌ سه‌ركه‌وتووه‌كه‌ی بۆ میرنشینی یەکگرتووی عەرەبی(ئیمارات)، ئێوارەی ئه‌مڕۆ چوارشه‌ممه‌ 26ی كانوونی دووه‌می 2022، گه‌یشته‌وه‌ هه‌ولێر.

سه‌رۆكی حكومه‌تی هه‌رێمی كوردستان، له‌ ئه‌بوزه‌بی پایته‌ختی میرنشینی ئیمارات له‌گه‌ڵ شێخ محه‌مه‌د بن زاید ئال نه‌هیان، جێنشینی ئه‌بوزه‌بی و جێگری فه‌رمانده‌ی باڵای هێزه‌ چه‌كداران و ژماره‌یه‌ك‌ به‌رپرسی باڵای ئیمارات كۆبووه‌ته‌وه‌.

له‌ كۆبوونه‌وه‌كانیشدا هه‌ردوولا گفتوگۆیان له‌سه‌ر به‌هێزكردنی په‌یوه‌ندییه‌كانی نێوان هه‌رێمی كوردستان و عێراق له‌گه‌ڵ ئیمارات كرده‌وه‌، به‌تایبه‌تیش له‌ بواره‌كانی ئابووری و وه‌به‌رهێنان و گه‌شه‌پێدانی مرۆیی، كه‌ خزمه‌ت به‌ كه‌رتی گه‌شه‌پێدان و بنیاتنان ده‌كات.

سه‌رۆكی حكومه‌تی هه‌رێمی كوردستان، له‌ دیداره‌كاندا، تیشكی خسته‌ سه‌ر پرۆسه‌ی سیاسی له‌ عێراق و پێشڤه‌چوونه‌كانی ناوچه‌كه‌ و رۆژهه‌ڵاتی ناوه‌ڕاست و گرنگی هه‌وڵ و هه‌ماهه‌نگیی زیاتر بۆ دابینكردنی پشتیوانی ئاشته‌وایی له‌ ناوچه‌كه‌ و داهاتوویێکی باشتر له‌سه‌ر بنه‌مای پێكه‌وه‌ژیانی ئاشتییانه‌.