زیقار.. باوكێك كوڕه‌كه‌ی خۆی ئه‌شكه‌نجه ده‌دات له‌به‌ر ئه‌وه‌ی چووه‌ته ناو خۆپیشاندان
K24 - هه‌ولێر:
باوكێك له پارێزگای زیقاری باشووری عێراق، منداڵه‌كه‌ی خۆی به سه‌قفی ماڵه‌كه‌ی به‌ستووه‌ته‌وه و به سۆنده‌یه‌ك لێی ده‌دات و منداڵه‌كه‌ش له‌تاو ئازاره‌كه‌ی هاوار ده‌كات.
به گوێره‌ی ئه‌و گرته ڤیدیۆییه‌ی له تۆڕه كۆمه‌ڵایه‌تییه‌كانه‌وه بڵاوكراوه‌ته‌وه، منداڵه‌كه قاچی به پانكه‌ی ماڵه‌كه‌یان هه‌ڵواسراوه و باوكه‌كه‌شی به توندی ئه‌شكه‌نجه‌ی ده‌دات، منداڵه‌كه هه‌رچه‌ند هاوار ده‌كات و ده‌پاڕێته‌وه، به‌ڵام باوكه‌كه له لێدان ناوه‌ستێت.
أب يعنف ابنه بطريقة مروعة في محافظة ذي قار.
— عمر المنصوري (@Omar_alMansuri) January 29, 2022
منتهى الإجرام pic.twitter.com/qrvcvNH83d
له گرته‌یه‌كی دیكه، كه هه‌ر له تۆڕه كۆمه‌ڵایه‌تییه‌كانه‌وه بڵاوكراوه‌ته‌وه، باوكه‌كه جگه له‌وه‌ی ماوه‌یه‌كی زۆر ئه‌شكه‌نجه‌ی منداڵه‌كه‌ی خۆی ده‌دات، دواتر وه‌كو سزا و سووكایه‌تییه‌ك قژی ده‌تاشێت، له‌گه‌ڵ ئه‌وه‌شدا دیسانه‌وه ده‌یست به ئه‌شكه‌نجه‌دانی ده‌كاته‌وه.
به گوێره‌ی راپۆرتێكی كۆمه‌ڵه‌ی پاراستن و گه‌شه‌پێدانی خێزان، ئه‌شكه‌نجه‌دانی ئه‌و منداڵه له‌لایه‌ن باوكی، به‌هۆی به‌شداریكردنی بووه له خۆپیشاندانێك دژی ئه‌فسه‌رێكی پله باڵای ناسریه، روونیشكرده‌وه، گرته ڤیدیۆییه‌ك بڵاوكراوه‌ته‌وه، كه منداڵێك له‌سه‌ر پردێكی ناسریه تایه‌یه‌كی ئۆتۆمبێل ده‌سووتێنێت و جوێنیش به فه‌رمانده‌ی پۆلیسی شاره‌كه ده‌دات، ئه‌مه‌ش وای له باوكه‌كه كردووه، كاردانه‌وه‌ی بۆ ره‌فتاری منداڵه‌كه‌ی هه‌بێت و ئه‌شكه‌نجه‌ی بدات.
ئاماژه‌ی به‌وه‌ش كراوه، باوكه‌كه ویستوویه‌تی به‌م شێوه توندوتیژییه فه‌رمانده‌ی پۆلیسی شاره‌كه رازی بكات و داوای لێبوردنی لێبكات، به‌ڵام چالاكوانانی تۆڕه كۆمه‌ڵایه‌تییه‌كان گرته‌ی ئه‌شكه‌نجه‌دانی منداڵه‌كه‌یان بڵاوكردووه‌ته‌وه، به هیوایه‌ی ببێته فشارێك له‌سه‌ر باوكه‌كه و رووبه‌ڕووی یاسا بكرێته‌وه.
احد اهالي ذي قار يقوم بتعذيب ابنه الصغير لانه شارك في تظاهرة تطالب باقالة قائد شرطة المحافظة!!
— عـلي العُـبيدي (@AliAl3obaidi) January 29, 2022
لا علاقة لي بالسبب لكن ما امامي هو مجرم سادي مريض يستمتع بتعذيب طفل
ستبقى هذة الجرائم دون رادع طالما اننا لانملك قانون خاص يحد من الجرائم داخل الاسرة بحجة "التأديب" pic.twitter.com/vLX8cus9Uk
