سهرۆكی حكومهت و نوێنهری كۆمپانیای دۆیچه بان پڕۆژهی دروستكردنی هێڵی ئاسنینی ههرێمی كوردستانیان تاوتوێ كرد
K24- ههولێر:
ئەمڕۆ پێنجشەممە 10ی شوباتی 2022، مەسرور بارزانی، سەرۆکی حکومەتی هەرێمی کوردستان پێشوازی لە ڤینسنت ڤان هوتن، بەڕێوەبەری جێبەجێکاری ئەوروپا و رۆژهەڵاتی ناوەڕاست و نزیکی کۆمپانیای هێڵی ئاسنینی ئەڵمانی ( دۆیچە بان) کرد.
لە کۆبوونەوەکەدا کە کلێمێنس زێمتنەر، کونسولی گشتیی ئەڵمانیا لە هەولێر ئامادەی بوو، نوێنەری کۆمپانیای دۆیچە بان، کورتەیەکی دەربارەی لێکتێگەیشتنی نێوان حکومەتی هەرێمی کوردستان و کۆمپانیای دۆیچە بان خستەڕوو بۆ راوێژ و سەرپەرشتیکردنی هێڵی ئاسنین لە هەرێمی کوردستان. نوێنەری کۆمپانیا ئەڵمانییەکە، ئاماژەی بەوەدا کە ئەمە هەنگاوێکی سەرەتاییە بۆ دەستکردن بەم پڕۆژە گرنگە، کە لە چەندین قۆناغ پێکدێت و لە لایەن چەند کۆمپانیایەکی جیاوازەوە ئەنجام دەدرێت .
سەرۆکی حکومەت، جەختی لە گرنگیی ئەنجامدانی ئەم پڕۆژە گرنگ و ستراتیجییە کردەوە، بە ئاراستەی بنیاتنانی ژێرخانێکی بەهێزی ئابووری بۆ هەرێمی کوردستان و بەیەکەوەبەستنەوەی شار و ناوچەکان و پەرەپێدانی ئاڵوگۆڕی بازرگانی لە نێوان هەرێمی کوردستان و ناوچەکانی دیکەی عێراق و وڵاتانی دراوسێ و جیهان.
H.B