بە ڤیدیۆ.. ئامادەکردنی شیری پەتاتە

K24 - هەولێر:

کاتێک دێتە سەر جێگرەوەکانی شیری مەڕ و بزن و مانگا، چەندین هەڵبژاردنی جیاواز هەن، نوێترینیان شیری پەتاتەیە کە بە هەڵبژاردەیەکی زۆر تەندروست دادەنرێت.

لە بابەتێكی وێبسایتی "oddity central"، باس لە جۆرێکی نوێی شیر کراوە کە ئەویش شیری پەتاتەیە و جێگرەوەیەکی نوێی شیری ئاژەڵییە.

بەرهەمهێنانی پەتاتە تێچوویەکی کەمتری دەوێت بەروارد بەوانی دیکە، هەر بۆیە پاتەتەکە و شیرەکەشی هەرزانتر دەبێت.

DUG تاکە کۆمپانیای سویدی و براندی بەرهەمهێنی شیری پەتاتەیە لە جیهاندا، بەم دواییانە بەرهەمەکانی خستە بازاڕەکانی بەریتانیاوە.

کۆمپانیا سیودیەکە پلانی هەیە کە بچێتە بازاڕی تەواوی وڵاتە ئەوروپیەکان و بازاڕی چینەوە.

شیری پەتاتە لە ماڵەوەش ئامادە دەکرێت و لە وێبسایت و چەناڵەکانی ئامادەکردنی خواردندا شێوازی ئامادەکردنەکەی و پێکهاتەکانی بڵاوکراوەتەوە.

پێکهاتەکانی دروستکردنی شیری پەتاتە:

- سێ پەتاتەی گەورە

- سێ کوپ ئاو

- 250 گرام بادەمی قاشکراو

- دوو کەوچكی چێشت هەنگوین

- یەک کەوچکی چێشت ڤانێلا

شێوازی ئامادەکردنەکەی لە ڤیدیۆکەدا روونکراوەتەوە:

H.H