ئێران رێژه‌ی هه‌نارده‌ی كاڵاكانی بۆ عێراق ئاشكرا ده‌كات
K24 - هەولێر:
جێگری وەزیری ئابووری ئێران هەناردەی کاڵای ئێرانی بۆ عێراق بە بڕی 7 ملیار دۆلار له ماوه‌ی 10 مانگی رابردوو راگەیاند.
عەلیڕەزا مەقدەسی، جێگری وەزیری ئابووری و سەرۆکی گومرگی ئێران رایگەیاند، لەماوەی 10 مانگی رابردوودا هەناردەی کاڵای ئێرانی بۆ عێراق 7 ملیار و 295 ملیۆن دۆلار بووە.
مه‌قده‌سی راشیگه‌یاند، بایی 920 ملیۆن دۆلاری کاڵا لە عێراقەوە هاوردەی ئێران کراوە.
ئه‌و به‌رپرسه ئێرانییه ئاماژه‌ی به‌وه كرد، لە ماوەی 10 مانگی رابردوو 40 ملیار و 932 ملیۆن دۆلار بازرگانی وڵاتەکەی لەگەڵ دراوسێکانی بووه. ده‌شڵێت: "بە بەراورد بە ساڵی رابردوو لە سەدا 40 رێژه‌ی بازرگانیكردن له‌گه‌ڵ وڵاتانی دراوسێ زیادی کردووە.