بنه‌ماڵه‌ی دانه‌ر سوپاس و ستایشی رووماڵی پیشه‌ییانه‌ی كوردستان24 ده‌كه‌ن

ئه‌وه‌ی ئێوه‌ كردتان زۆر بایه‌خدار بوو
ته‌رمی دانه‌ر نه‌به‌ز له‌ گوندی شۆربه‌ش له‌ ناحیه‌ی شه‌مامك دۆزرایه‌وه‌
ته‌رمی دانه‌ر نه‌به‌ز له‌ گوندی شۆربه‌ش له‌ ناحیه‌ی شه‌مامك دۆزرایه‌وه‌

K24 – هه‌ولێر:

دوای دۆزینه‌وه‌ی ته‌رمی دانه‌ری 10 مانگ و به‌خاكسپاردنی، هاوڕێ ساڵح، مامی دانه‌ر، به‌ ناوی بنه‌ماڵه‌ی دانه‌ر و دایك و باوكییه‌وه‌، سوپاسی كوردستان24ی كرد.

هاوڕێ ساڵح، له‌ په‌یوه‌ندییه‌كی به‌ كوردستان24ه‌وه‌، گوتی: هه‌زار جار ده‌ستخۆشی و پێزانینمان هه‌یه‌ بۆ كوردستان24، كه‌ له‌سه‌ره‌تای رووداوه‌كه‌وه‌ تا كۆتایی له‌گه‌ڵماندا بوون و رووماڵێكی پیشه‌ییانه‌یان بۆ ئه‌و رووداوه‌ دڵته‌زێنه‌ كرد.

گوتیشی: له‌ ناخی دڵه‌وه‌ سوپاستان ده‌كه‌ین و ئێوه‌ بوونه‌ هۆی ره‌وینه‌وه‌ی به‌شێك له‌ خه‌مه‌كانی بنه‌ماڵه‌ی دانه‌ر.

له‌ ئه‌نجامی هه‌ڵسانی لافاو له‌ هه‌ولێر، له‌ ناوه‌ڕاستی مانگی دیسه‌مبه‌ری رابردوودا، دانه‌ری 10 مانگ گیانی له‌ده‌ستدا و دوای پرۆسه‌یه‌كی چڕی گه‌ڕان به‌ دوای ته‌رمه‌كه‌یدا، دوێنێ ته‌رمی دانه‌ر دۆزرایه‌وه‌ و كه‌سوكاری به‌ خاكیان سپارد.

كوردستان24، له‌ سه‌ره‌تای رووداوكه‌وه‌ تا دۆزینه‌وه‌ی ته‌رمی ئه‌و منداڵه‌، رووماڵی پیشه‌ییانه‌ی ئه‌و پرسه‌ی كرد.