دیدار و کۆبوونەوەکانی مهسرور بارزانی لە پەراوێژی کۆنفرانسی ئاسایشی میونشن بەردەوامن
K24 - ههولێر:
دووەم رۆژی کۆنفرانسی ئاسایشی میونشن رۆژێکی پر لە دیدار و کۆبوونەوەی گرنگ بوو بۆ شاندی حکومەتی هەرێمی کوردستان. سەرۆکی هەرێم و سەرۆکی حکومەتی هەرێمی کوردستان لەگەڵ دوو شاندی باڵای کۆنگرێس و ئەنجومەنی نوێنەرانی ئەمهریکا کۆبوونەوە.
مەسرور بارزانی، سەرۆکی حکومەتی هەرێمی کوردستان لە کۆبوونەوەکانی لەگەڵ ئەمینداری گشتیی ئەنجومەنی هاریکاری کەنداو و وەزیری دەرەوەی ئوردن و سەرۆک وەزیرانی لوبنان باسی لە ڕهوشى عیراق و هەوڵەکانی پێکهێنانی حکومەتی نوێ و پەرەپێدانی پەیوەندییەکانی هەرێمی کوردستان و وڵاتانی عەرەبی کرد.
دیدار و کۆبوونەوەکانی مهسرور بارزانی لە پەراوێژی 58ـەمین کۆنفرانسی ئاسایشی میونشن بەردەوامن. سهرۆکى ههرێم و سهرۆک حکومەتی ههرێمى کوردستان، لهگهڵ شاندێکی باڵاى کۆنگرێسمانەکانی ئەمهریکا بە سەرۆکایەتیی لیندزی گراهام کۆبوونەوە.
دۆخى سیاسى، رهوشى عیراق و هەوڵەکانی پێکهێنانی حکوومەتی نوێ و پەرەپێدانی پەیوەندییەکانی هەرێمی کوردستان و ئەمەریکا گفتوگۆیان لەبارەوە کراوە.
شاندەکەى کۆنگرێس دووپاتى دەکەنەوە به بایهخهوه له ههرێمى کوردستان دهڕوانن و پهیوهندییهکى بههێز لهنێوان واشنتن و کوردستاندا هەیە و پێویستە هێشتا ئەو پەیوەندییانە بەهێزتر بکرێن و برەویان پێ بدرێت.
هەروەها باس لە بڕیاری ئەمدواییەی دادگای باڵای فیدراڵى کرا، كه بریارەكه خزمەتی سەقامگیریی دۆخی عیراق و چارەسەرکردنی کێشەکانی هەرێمی کوردستان و حکومەتی فیدراڵى ناکات.
هەر لە میونشن و کۆبوونەوە لەگەڵ بەرپرسانی ئەمریکا، سەرۆکی حکومەتی هەرێمی کوردستان لهگهڵ ئیلیسا سلۆتکین و ئادەم شیف ئهندامانى ئهنجومهنى نوێنهرانى ئهمهریکا کۆبووەوه. پەرەپێدانی پەیوەندییەکانی هەرێمی کوردستان و ئەمەریکا و دۆخی گشتیی عێراق قسەی لەبارەوە کراوە، بەتایبەتی بڕیاری ئەم دواییەی دادگای باڵای ئیتیحادی دووپاتکرایەوە ئەم بڕیارە بەلای هەرێمی کوردستان قبوڵکراو نییە و هەرێمی کوردستان بە هەموو شێوەیەک داکۆکی لە مافە دەستوورییەکانی دەکات.
سەرۆکی حکومەتی هەرێمی کوردستان لەگەڵ ئەمینداری گشتیی ئەنجومەنی هاریکاری کەنداو جەخت لە گرنگیی بەهێزکردنی پەیوەندییەکانی وڵاتانی کەندا و هەرێمی کوردستان لە هەموو بوارەکاندا دەکاتەوە.
مەسرور بارزانی، سەرۆکی حکومەتی هەرێمی کوردستان لەگەڵ ئەیمەن سەفەدی، جێگری سەرۆک وەزیران و وەزیری دەرەوەی شانشینی ئوردن کۆبووەوە. گرنگیی فراوانکردنی دەرفەتەکانی پەیوەندی و هەماهەنگیی هاوبەش لە نێوان هەرێمی کوردستان و شانشینی ئوردن جەختی لەسەر کراوەتەوە.
دووەم رۆژی کۆنفرانسی ئاسایشی میونشن رۆژێکی پڕ دیدار و گفتوگۆی گرنگ بووە و یەکێکی لەو کۆبوونەوانە کۆبوونەوەی مەسرور بارزانی، سەرۆکی حکومەتی هەرێمی کوردستانە لەگەڵ نەجیب میقاتی سەرۆک وەزیرانی لوبنان.
تێیدا دوایین گۆڕانکاری، پەرەسەندنەکانی عێراق و ناوچەکە و هەوڵەکانی پێکهێنانی حکومەتی نوێی عێراق، پەیوەندییەکانی لوبنان و هەرێمی کوردستان بەهێزکردنی ئەو پەیوەندییەکان گفتوگۆیان لەبارەوە کراوە.