نوێترین زانیارییەکان لەبارەی ململانێی نێوان ئۆکرانیا و رووسیا

ئۆکرانیا بە هۆی تۆپبارانەوە خاڵەکانی پشکنینی دۆنباس دادەخات
پێشبینی هه‌ڵگیرسانی جه‌نگ ده‌كرێت.. فۆتۆ: Vadim Ghirda
پێشبینی هه‌ڵگیرسانی جه‌نگ ده‌كرێت.. فۆتۆ: Vadim Ghirda

K24 - هه‌ولێر:

سنوورەکانی نێوان ئۆکرانیا و رووسیا تا دێت چالاکی و جوڵەی زیاتری تێدا روودەدات، بەهۆی تۆپبارانی نێوان کەمینە رووسییەکانی دۆنباس، ئۆکرانیا خاڵەکانی پشکنین لەو ناوچەیە دادەخات.

بەهۆی رەوشی سیاسی نێوان ئۆکرانیا و رووسیا گرژی و ئاڵۆزی لە سنووری ئۆکرانیا کەوتەوە و سوپای ئۆکرانیا حەوت خاڵی پشکنینی لە رۆژهەڵاتی دۆنباس داخست، رۆژهەڵاتی هەرێمی دۆنباس لە دەستی جوداخوازەکاندایە، کە لەلایەن رووسیاوە پشتگیری دەکرێن.

تا دێت گرژی نێوان ئۆكرانیا و رووسیا زیاتر ده‌بێت
تا دێت گرژی نێوان ئۆكرانیا و رووسیا زیاتر ده‌بێت، فۆتۆ: Vadim Ghirda

لەلایەکی دیکەوە بانکی جیهانی ئامادەیی دەربڕیووە 350 ملیۆن دۆلار و بۆ پشتگیری ئۆکرانیا کۆبکاتەوە، لە کۆبوونەوەیەکەی نێوان ڤۆلۆدیمیر زیلینسکی، سەرۆکی ئۆكرانیا و دەیڤد مالپاس، سەرۆکی بانکی جیهانی، باس لەوە کرا گرووپی بەڕێوبەری بانکی جیهانی بەردەوام دەبێت لە پشتگیریکردنی ئۆکرانییەکان و ئابوورییەکەی.

ئۆكرانیا لەبەردەم ئەگەری هێرشێکی سەربازی رووسیا دایە
ئۆكرانیا لەبەردەم ئەگەری هێرشێکی سەربازی رووسیا دایە، فۆتۆ: Vadim Ghirda

کەنەدا چەک و تەقەمەنی و کەلوپەلی چاودێری رەوانەی ئۆکرانیا دەکات

فڕۆکەیەکی بارهەڵگری کەنەدی، کە چەک و کەلوپەلی چاودێری و تەقەمەنی هەڵگرتبوو وەک بەشێک لە پاکێجێکی یارمەتی سەربازی کەنەدی گەیشتە ئۆکرانیا.

وەزیری بەرگری ئۆکرانیا ئۆلکسی رێزنیکۆڤ گوتی: "ئۆکرانیا فڕۆکەی بارهەڵگری چەک و کەلوپەلی سەربازی لەلایەن هاوپەیمانانی ناتۆوە پێگەیشت، لە کاتێکدا ئەو وڵاتە لەبەردەم ئەگەری هێرشێکی سەربازی رووسیا دایە".

سوپای ئۆکرانیا حەوت خاڵی پشکنینی لە رۆژهەڵاتی دۆنباس داخست
سوپای ئۆکرانیا حەوت خاڵی پشکنینی لە رۆژهەڵاتی دۆنباس داخست، فۆتۆ: Vadim Ghirda

سەرچاوە: CNBC

HH