زه‌وی بۆ ژماره‌یه‌ك ناوچه‌ی پیشه‌سازی ته‌رخان ده‌كرێت

هه‌وڵه‌كان بۆ به‌ره‌وپێشبردنی كه‌رتی پیشه‌سازی له‌ هه‌رێمی كوردستان چڕده‌كرێنه‌وه..‌ کۆتایی ئەم مانگە کۆڕبەندێکی پیشەسازی لە هەولێر بەڕێوەدەچێت
كۆنگره‌ی رۆژنامه‌وانی وه‌زیری پیشه‌سازی و سه‌رۆكی ده‌سته‌ی وه‌به‌رهێنان
كۆنگره‌ی رۆژنامه‌وانی وه‌زیری پیشه‌سازی و سه‌رۆكی ده‌سته‌ی وه‌به‌رهێنان

K24- هه‌ولێر:

دوای کۆبوونەوەیەك لەبارەی رێکخستنەوە و چارەسەکردنی کێشەکانی بەردەم سێکتەری پیشەسازی و پتەوکردنی هەماهەنگییەکان، لەکۆنگره‌یه‌كی رۆژنامەوانی هاوبەشدا، وەزیری پیشه‌سازی و بازرگانی و سەرۆکی دەستەی وەبەرهێنان چەند پرۆژە و پلانێکی نوێیان بۆ سێکتەری پیشەسازی ئاشکراکرد.

له‌وباره‌یه‌وه‌ كه‌مال موسلیم، وەزیری پیشەسازی و بازرگانی دووپاتیكرده‌وه‌، بەهەماهەنگی لەگەڵ سەرۆکی دەستەی وەبەرهێنان کاردەکەن بۆ دابینکردنی زەوی بۆ ناوچە پیشەسازییەکان. 

هه‌ر له‌و چوارچێوه‌یه‌شدا، محه‌مه‌د شوكری، سه‌رۆكی ده‌سته‌ی وه‌به‌رهێنانی هه‌رێمی كوردستان گوتی: زەویمان بۆ چەند ناوچەیەکی پیشەسازیی تەرخانکردووە

هه‌روه‌ها دووپاتیكرده‌وه‌، لەماوەی ئەمساڵ گرنگی زیاتر بە کەرتی پیشەسازی دەدەن و زەوی لە پارێزگای هەڵەبجە و گەرمیان و زاخۆ و سنووری پارێزگای هەولێر تەرخانکردووە بە دامەزراندنی ناوچەی پیشەسازی.

ئاماژەی بەوەش دا، لەکۆتایی ئەم مانگە بەهەماهەنگی له‌گه‌ڵ وەزارەتی بازرگانی و پیشەسازی، کۆڕبەندێك بۆ وەبەرهێنان و پیشەسازی بەڕێوەدەبەن.

H.B