بەهای یۆرۆ بۆ بەرزترین ئاستی 15 مانگی رابردووی بەرزدەبێتەوە
K24 - هەولێر
بەهای یۆرۆ بۆ بەرزترین ئاستەکانی 15 مانگی رابردووی بەرزدەبێتەوە. بە شێوەیەک ئەو دراوە یەکگرتووەی یەکێتی ئەوروپا رووبەڕووی مەترسییەکانی بەرزبوونەوەی نرخی گاز و هەڵکشانی نادڵنیاییەکانی ئۆکرانیا دەبێتەوە.
ڤلادمیر پوتن، سەرۆکی رووسیا هێزەکانی راسپارد بۆ ئەوەی بچنە نێو دوو هەرێمە جوداخوازەکەی ئۆکرانیا، ئەوەش راستەوخۆ کاریگەری لەسەر بەهای یۆرۆ کردووە، و بۆ بەرزترین ئاستی 15 مانگی رابردووی بەرزبووەتەوە، بە تایبەت دوای ئەوەی وڵاتانی رۆژئاوا پەیمانیان داوە سزا بەسەر رووسیا بسەپێنن.
بەهای یۆرۆ بەرامبەر دۆلار بە رێژەی 0.2% بۆ 1.13 دۆلار بەرزبووەوە،
جین فولی، شرۆڤەکار لە رابۆبانک لە لەندەن رایگەیاند، بەرزبوونەوەی نرخی گاز، هەڵکشانی مەترسییەکان لە بارەی دابینکردنی گاز هەڕەشەیەکی جدییە لەسەر داهاتووی گەشەی ئەوروپا. هەرووەها راستەوخۆ کاریگەری دەبێت لەسەر بڕیار و سیاسەتەکانی بانکی ناوەندی ئەوروپا، ئەوەش فاکتەرێکی نەرینین لەسەر بەهای یۆرۆ.