كوردستان24 دیدارێكی لهبارهی بڕیارهكانی دادگای فیدڕاڵی بهڕێوهبرد
K24- ههولێر:
ئێوارهی ئهمڕۆ سهنتهری توێژینهوه و راپرسی كوردستان24 دیدارێكی لهبارهی "بڕیارهكانی دادگای فیدڕاڵی عێراق بهرامبهر ههرێمی كوردستان" ساز كرد و له دیدارهكهدا دهرهنجام، لێكهوته و ئهجێندای بڕیارهكانی دادگای فیدراڵ تاوتوێ كران.
دیدارهكه به بهشداری ژمارهیهكی دهستهبژێر له شارهزا و پسپۆڕان، به ناونیشانی "بڕیارهكانی دادگای فیدراڵی بهرامبهر ههرێمی كوردستان" بهڕێوه چوو، ئامادهبووان دیدگا، بۆچوون و پێشبینییهكانیان بۆ دهرهاویشتهی ئهو بڕیارانه و كاریگهرییهكانیان له ئایندهی ههرێمی كوردستان خستهڕوو.
ههر لهو دیدارهدا گفتوگۆ لهسهر داهاتووی عێراق و پێگهی ههرێمی كوردستان له ناوچهكهدا كرا و بوار به بهشداربووان درا تێڕوانینی خۆیان لهو بارهیهوه بخهنهڕوو و پێشبینییهكانیان بۆ داهاتووی ههرێمی كوردستان و پێگهكهی بهرچاو بكهن.
دیدارهكه له كاتژمێر 3:00ـی ئهمڕۆ 26ـی شوبات/ فێبرایهری 2022 له هۆتێلی ڤان رۆیاڵ له ههولێری پایتهخت بهڕێوه چوو.
H.B