ئۆکرانیا سوپاسی دەوڵەمەندترین پیاوی جیهان دەکات
K24 - هەولێر:
دوای ئەوەی ئێلۆن مەسک بەدەم داواکاری جێگری یەکەمی سەرۆک وەزیرانی ئۆکرانیا و وەزیری ئاڵوگۆڕی دیجیتاڵ "میخایلۆ فێدۆرۆڤ"ـەوە هات و یارمەتیدان، میخایلۆ سوپاسی کرد و ئێڵۆن مەسکیش وەڵامی دەداتەوە.
میخایلۆ فێدۆرۆڤ لە تویتێکدا نووسیویەتی "ستارلینک لێرەیە، سوپاس ئێلۆن مەسک".
ئێلۆن مەسک لە وەڵامی سوپاسگوزاریەکەی میخایلۆدا دەڵێت "شایەنی ئێوەی نییە".
Starlink — here. Thanks, @elonmusk pic.twitter.com/dZbaYqWYCf
— Mykhailo Fedorov (@FedorovMykhailo) February 28, 2022
ستارلینک زنجیرەیەک مانگی دەستکردی کۆمپانیای سپەیس ئێکسە کە ئامانج لە دروستکردنیان دابینکردنی خزمەتگوزاری ئینتەرنێتە بۆ تەواوی دانیشتوانی سەر زەوی، بە گوێرەی هەواڵێکی وێبسایتی "politico"، لەکاتی پچڕانی ئینتەرنێت لە ئۆکرانیا، ئێلۆن مەسک ئینتەرنێتی ئەو وڵاتە دابین دەکات.
لەلایەکی دیکەوە میخایلۆ فێدۆرۆڤ رایگەیاند، مێتا دەستی کردوە بە رێگریکردن لە بڵاوبوونەوەی "درۆکان"ـی رووسیا.
وەزیری دیجیتاڵی ئۆکرانیا داوای لە یوتیوب و گوگڵیش کرد کە نەبنە پلاتفۆڕمێکی گواستنەوەی "پروپاگەندە"ـی میدیا کۆنترۆڵکراوەکانی رووسیا.
ئێلۆن مەسک دامەزرێنەری کۆمپانیای تێسلا و خاوەنی کۆماپانیای سپەیس ئێکسە لە ئێستادا بە دەوڵەمەندترین پیاوی جیهان دادەنرێت کە سەرمایەکەی 222 ملیار دۆلاری تێپەڕاندووە.
H.H