400 ملیار دۆلار زیانی جه‌نگی رووسیا و ئۆكرانیایه‌

"گرانی به‌رێگاوه‌یه‌"
400 ملیار دۆلار زیانی جه‌نگی رووسی ئۆكرانییه‌
400 ملیار دۆلار زیانی جه‌نگی رووسی ئۆكرانییه‌

K24 - هەولێر:

پسپۆرانی بواری ئابووری ئاشكرای ده‌كه‌ن، شه‌ڕی رووسیا و ئۆكرانیا زیانی 400 ملیار دۆلار به‌ جیهان ده‌گه‌یه‌نێت، نه‌ته‌وه‌یه‌كگرتووه‌كانیش ئاماژه‌ به‌وه‌ ده‌ده‌ن، برسێتی به‌ڕێوه‌یه‌.

توێژینه‌وه‌یه‌ك له‌ یه‌كه‌ی زانیارییه‌كانی ئابووری به‌ریتانی ئاماژه‌ به‌وه‌ ده‌كات، گه‌شه‌ی ئابووری له‌ ئه‌وروپا به‌هۆی جه‌نگی رووسی – ئۆكرانی له‌ %3.9 بۆ %2 و له‌سه‌ر ئاستی جیهانیش له‌ 3.9ـه‌وه‌ بۆ 3.4 له‌سه‌دا داده‌به‌زێت.

پسپۆران ئاماژه‌یان به‌وه‌ كردووه‌، زیانی ئه‌و شه‌ڕه‌ زیاتر له‌ 400 ملیار دۆلاره‌، نرخی كه‌ره‌سته‌كان به‌رز ده‌بنه‌وه‌، ئه‌مه‌ش مه‌ترسی دروستبوونی گرانی و برسێتی لێده‌كه‌وێته‌وه‌.

ئه‌و پسپۆرانه‌ جه‌ختیان له‌وه‌ كردووه‌ته‌وه‌، زیانی گه‌وره‌ به‌ر ئه‌وروپا ده‌كه‌وێت، جیا له‌وه‌ش رووسیا زیانێكی گه‌وره‌ی ئابووری له‌و شه‌ڕه‌ ده‌كات،  پێشبینی ده‌كرێت ئه‌مساڵ ئابووری جیهان وێران ببێت.