پەیامی سەرۆکی حکومەتی هەرێمی کوردستان بە بۆنەی ساڵیادی رێککەوتننامەی یازدەی ئادار
K24 – ههولێر:
مهسرور بارزانی، سهرۆكی حكومهتی ههرێمی كوردستان له یادی 52 ساڵهی واژووكردنی رێككهوتننامهی 11ی ئازاردا پهیامێكی بڵاوكردهوه.
له پهیامهكهدا هاتووه: "ئەم رێککەوتننامەیە، پەیامێکی روونی گەلی کوردستان بوو کە هەمیشە باوەڕی بە دانوستان و گفتوگۆ و چارەسەری ئاشتیانەی کێشەکان هەیە".
ههروهها هاتووه: "ئەمڕۆ لەكاتێكدا ئەو یادە دەكەینەوە، بەداخەوە هێشتاش خەڵکانێک هەن دەیانەوێ نکۆڵی لە مافەكانی خەڵکی کوردستان و مافە دەستوورییەکانی بکەن، بەڵام ئێمە بە هیچ شێوەیەک دەستبەرداری مافەکانمان نابین ".
دهقی پهیامهكه
ئهمڕۆ 52 ساڵ بهسهر رێككهوتننامهی یازدهی ئاداری 1970 تێدهپهڕێت، كاتێک شۆڕشی گەلی کوردستان بە سەرکردایەتیی رێبەری نیشتمانی مستەفا بارزانیی نەمر ، حکومەتی ئەوکاتەی عێراقی ناچار کرد، دان بە بەشێک لە ماف و داخوازییەکانی گەلی کوردستاندا بنێت.
رێککەوتننامەی یازدەی ئادار، ئەنجامی خۆڕاگری و قوربانیدانەکانی پێشمەرگە قارەمانەکان و خەڵکی کوردستان بوو لە شۆرشی مەزنی ئهیلوول کە خاوەنی چەندین داستان و دەسکەوتی گهوره و مێژووییە. ئەم رێککەوتننامەیە ، پەیامێکی روونی گەلی کوردستان بوو کە هەمیشە باوەڕی بە دانوستان و گفتوگۆ و چارەسەری ئاشتیانەی کێشەکان هەیە.
ئەمڕۆ لەكاتێكدا ئەو یادە دەكەینەوە، بەداخەوە هێشتاش خەڵکانێک هەن دەیانەوێ نکۆڵی لە مافەكانی خەڵکی کوردستان و مافە دەستوورییەکانی بکەن، بەڵام ئێمە بە هیچ شێوەیەک دەستبەرداری مافەکانمان نابین و هەموو كاتێكیش ئامادەین لەسەر بنەمای دەستوور، گفتوگۆیەکی بهرههمدار بکەین به مهبهستی چارهسهركردنی سهرجهم كێشه ههڵپهسێردراوهكان.
مەسرور بارزانی
سەرۆکی حکومەتی هەرێمی کوردستان
11ی ئاداری 2022