رووسیا به‌ره‌و كه‌نارگیری ده‌ڕوات

پوتن به‌ره‌نگاری سزاكان ده‌بێته‌وه‌
kurdistan24.net

K24 – هه‌ولێر:

شاره‌زایانی سیاسی له‌و بڕوایه‌دان، خۆرئاواییه‌كان به‌ گشتیی به‌ تایبه‌تی ئه‌مه‌ریكا و ئه‌وروپا یه‌كده‌نگن له‌سه‌ر گۆشه‌گیركردنی رووسیا و له‌ په‌لوپۆخستنی توانا ئابووری و سه‌ربازییه‌كانی تا ئه‌و راده‌یه‌ی رووسیا پاشه‌كشه‌یه‌كی گه‌وره‌ له‌ رووی سه‌ربازی و ئابووریی ده‌كات و ناچار به‌ سازش ده‌بێت بۆ خۆرئاوا.

به‌ رای ئه‌و شاره‌زایانه‌ی كۆمێنتیان له‌ باره‌ی ره‌وشه‌كه‌وه‌ هه‌یه‌، سزاكانی خۆرئاوا توندن و ئه‌وه‌ی ڤلادیمێر پوتن له‌ باره‌ی پشتبه‌ستن به‌ ئابووری ناوخۆ و له‌سه‌ر پێی خۆوه‌ستان باسی ده‌كات، ره‌نگه‌ بۆ وڵاتێكی وه‌ك رووسیا كارێكی دژوار و سه‌خت بێت و تا سه‌ر پوتن نه‌توانێت به‌رگه‌ی فشاره‌كان بگرێت.