پەیامی نەتەوە یەکگرتووەکان لەبارەی هێرشە مووشەکییەکەی هه‌ولێر

نەتەوە یەکگرتووەکان بە زمانی کوردی پەیامێکی بڵاوکردەوە
ئاڵای نەتەوە یەکگرتووەکان
ئاڵای نەتەوە یەکگرتووەکان

K24 - هەولێر:

نوسینگەی نەتەوە یەکگرتووەکان لە عێراق لە تویتێکدا ئیدانەی هێرشە مووشەکییەکەی شەوی رابردووی پارێزگای هەولێری کرد.

نووسینگەی نەتەوە یەکگرتووەکان لە عێراق تویتێکدا رایگەیاند، يونامى به‌ توندى ئيدانه‌ى هێرشه‌ مووشه‌كييه‌ قێزه‌ونه‌كه‌ى هه‌ولێر ده‌كات. عێراقييه‌كان داوايان لێكراوه‌ كه‌ به‌ يه‌ك هه‌ڵوێست روبه‌ڕووى هه‌ر كارێك ببنه‌وه‌، كه‌ ببێته‌ مايه‌ى پێشێلكردنى سه‌روه‌رى و يه‌كييه‌تى خاكى عێراق، يانيش مه‌به‌ست لێى تێكدانى سه‌قامگيرى و يه‌كڕيزى بێت.

نوسینگەی نەتەوە یەکگرتووەکان لە عێراق لە ساڵی 2003ـەوە کراوەتەوە و ئەرکیان پشتگیری کردن و راوێژکردنی حکومەتی عێراقە لە بابەتەکانی هەڵبژاردن و مافی مرۆڤ.

شەوی 13/12-3-2022. پاش کاتژمێر یەکی بەرەبەیانى، 12 مووشەکی دوورمەودای بالیستی لە سنوورەکانی دەرەوەی عیراق، لە رۆژهەڵاتەوە ئاراستەی باڵەخانەی نوێی کۆنسوڵخانەی ئەمەریکی لە هەولێر کران و ناوچە سڤیل نشینەکانی نزیك بارەگای کەناڵی کوردستان24 و دەوروبەری بەر هێرشەکە کەوتن، دەرئەنجام زەرەر و زیانی ماددی بەر باڵەخانە و خانووەکانی ئەو ناوچەیە کەوتووە و خۆشبەختانە هیچ زیانێکی گیانی نەبووە و تەنیا هاووڵاتییەك بە سووکی بریندار بووه‌.

H.H