حه‌لبوسی: هێرشكردنه‌ سه‌ر هه‌ولێر، به‌ ئامانجگرتن و ده‌ستدرێژییه‌ بۆ سه‌روه‌ری عێراق

"ئه‌و كرده‌وه‌یه‌ سه‌ركۆنه‌ ده‌كه‌ین، كه‌ پێویستی به‌ هه‌ڵوێستێكی نیشتمانیی یه‌كگرتوو و توند هه‌یه‌"
محه‌مه‌د حه‌لبوسی، سه‌رۆكی ئه‌نجومه‌نی نوێنه‌رانی عێراق.. وێنه‌: ئه‌رشیڤ
محه‌مه‌د حه‌لبوسی، سه‌رۆكی ئه‌نجومه‌نی نوێنه‌رانی عێراق.. وێنه‌: ئه‌رشیڤ

K24 – هه‌ولێر:

محه‌مه‌د حه‌لبوسی، سه‌رۆكی ئه‌نجومه‌نی نوێنه‌رانی عێراق له‌ په‌یامێكدا  هێرشه‌ مووشه‌كییه‌كه‌ی سه‌ری هه‌ولێری ئیدانه‌ كرد و رایگه‌یاند، هێرشكردنه‌ سه‌ر هه‌ولێر، به‌ ئامانجگرتن و ده‌ستدرێژییه‌ بۆ سه‌ر سه‌روه‌ری عێراق و ئاسایشی سه‌رجه‌م هاووڵاتیه‌كانی.

حه‌لبوسی له‌ هه‌ژماری تایبه‌تی خۆی له‌ تۆڕی كۆمه‌ڵایه‌تیی توێیته‌ر په‌یامێكی بڵاوكرده‌وه‌ و نووسیویه‌تی: هێرشكردنه‌ سه‌ر هه‌ولێر، به‌ ئامانجگرتن و ده‌ستدرێژییه‌ بۆ سه‌ر سه‌روه‌ری عێراق و ئاسایشی سه‌رجه‌م هاووڵاتیه‌كانی.

له‌ په‌یامه‌كه‌یدا ئاماژه‌ی به‌وه‌ش كردووه‌، ئه‌و كرده‌وه‌یه‌ سه‌ركۆنه‌ ده‌كه‌ین، كه‌ پێویستی به‌ هه‌ڵوێستێكی نیشتمانیی یه‌كگرتوو و توند هه‌یه‌، بۆ ئه‌وه‌ی رووبه‌ڕوو‌ و به‌ره‌نگاری ببینه‌وه‌.