قوباد تاڵەبانی: هەولێر و هەموو هەرێمی کوردستان وەک چاومان دەپارێزین
K24 - هەولێر:
قوباد تاڵەبانی جێگری سەرۆكی ئەنجومەنی وەزیران رایگەیاند، هێرشە موشەکییەکانی دژ بە شاری هەولێری خۆشەویست، تێکدانی ئاسایشی کۆمەڵانی خەڵکی کوردستانە و دەستدرێژییە بۆ سەر هەموو تاکێکی کورد لە سەرانسەری دنیادا.
جێگری سەرۆكی ئەنجومەنی وەزیران راشیگەیاند: "بەتوندی ئیدانەی ئەم هێرشانە دەکەین و رایدەگەیەنین ئەم کارە لە شکۆی هەولێر کەم ناکاتەوەو ئۆقرەیی و ناوبانگی ناشێوێنێت وەک پایتەختی گەشاوە و میواندۆستی هەرێمی کوردستان."
لە کۆتایی پەیامەکەیدا قوباد تاڵەبانی گووتی: "هەولێر و هەموو هەرێمی کوردستان وەک چاومان دەپارێزین، هەر سەربەرز بێت شاری قەڵا و منارە."