رووسیا بۆ ماوەی دوو رۆژ ئاگربەستی لە سووریا راگەیاند
K24 - ھەولێر
وەزارەتی بەرگری رووسیا بڵاویكردەوە بۆ ماوەی دوو رۆژ ئاگربەست لە سووریا رادەگەیەنن.
لە راگەیاندراوێكدا وەزارەتی بەرگری رووسیا ئاشكرای كرد: "لە ئەمڕۆوە ئاگر بەست لە سووریا کاری پێدەکرێت و ماوەی دوو رۆژ دەخایەنێت".
راگەیاندنی ئەم ئاگربەستەی رووسیا، دوای ئەوە دێت كە جۆن کیری، وەزیری دەرەوەی ئەمریکا هەریەك لە حکوومەتی مۆسکۆ و رژێمی بەشار ئەسەد، لە ئەگەری رێزنەگرتن لە وەستاندنی چالاکییە سەربازییەکان ئاگادارکردنەوە.
لە سەرەتای شەڕی ناوخۆیی سووریاوە فڕۆکەکانی سوپای رووسیا، پاڵپشتی ئاسمانی بۆ هێزەکانی ئەسەد دەکەن و مۆسكۆ سوورە لەسەر مانەوەی دەستەڵاتی رژێمی ئەسەد لە سووریا.