شایسته‌ی دارایی بۆ چاودێریكردنی تاقیكردنه‌وه‌كان خه‌رجكرا
K24 – هه‌ولێر:
وه‌زاره‌تی په‌روه‌رده‌ی حكومه‌تی هه‌رێمی كوردستان شایسته‌ی دارایی چاودێریكردنی تاقیكردنه‌وه‌كانی خولی یه‌كه‌م و دووه‌می (2020 – 2021) خه‌رج ده‌كات.
وه‌زیری په‌روه‌رده‌ی حكومه‌تی هه‌رێمی كوردستان راگه‌یه‌ندراوێكی بڵاوكرده‌وه، تێیدا هاتووه، دەبێت بەڕێوەبەرایەتی گشتیی پەروەردەی پارێزگا و ئیدارە سەربەخۆکان بە زووترین کات شایستە داراییەکانیان لە رێگەی سیستەمی (KFMS) وە پێشکەش بکه‌ن.
ده‌قی راگه‌یه‌ندراو:
رەزامەندی درا لەسەر خەرجکردنی بڕی شایستەی دارایی( چوار ملیار و سەد و شەست و حەوت ملیۆن پێنج سەدو هەشتاو چوار هەزار و دوو سەد دینار/ 4,167,584,200 ) بۆ چاودێری تاقیکردنەوەکانی خولی یەکەم و دووەمی ساڵی خوێندنی (2020 – 2021).
دەبێت بەڕێوەبەرایەتی گشتیی پەروەردەی پارێزگا و ئیدارە سەربەخۆکان بە زووترین کات شایستە داراییەکانیان لە رێگەی سیستەمی (KFMS) وە پێشکەش بکرێت.
ئالان حمە سعید
وەزیری پەروەردە
16 - 3 - 2022
