سوپای رووسیا: پلانمان نییە سەربازی یەدەگ بانگ بکەین
K24 - هەولێر:
وەزیری بەرگری رووسیا سێرگی شویگو رەتی کردەوە سەربازانی یەدەگ بەکاربهێنن و جەختی کردەوە لەوەی پلانی بانگکردنی سەربازانی یەدەگیان نییە بۆ ئۆکرانیا.
گوتەبێژی وەزارەتی بەرگری ئیگۆر کوناشینکوف لە لێدوانێکدا گوتی: "وەزارەتی بەرگری رووسیا سەربازانی یەدەگ بانگ ناکات و پلانی بەکارهێنانی ئەو سەربازانەی نییە لە بنکە سەربازیەکاندا."
گوتیشی: "لە چەند رۆژی رابردوودا، ژمارەیەك پیاوی رووسی پەیوەندیان پێوە کراوە و پێیان راگەیەندراوە کە بۆ خزمەتی سەربازی بانگکراون، بەڵام پەیوەندیە تەلەفونییەکە ساختە بووە و لە وەزارەتی بەرگریەوە نەبووە، تەنها هەراسانکردنێکی هەواڵگری ئۆکرانیایە بۆ بڵاوکردنەوەی هەواڵی ناراست و چەواشەکارانە."
ترسی بانگکردنی پیاوانی رووسی لەلایەن سوپاوە بۆ خزمەتی سەربازی لە ئۆکرانیا، وایکردووە چەندین کەس وڵات بەجێبهێڵن.
لەلایەکی دیکەوە ئۆکرانیا ئاماری زیانەکانی سوپای رووسیای بڵاوکردەوە و رایگەیاند، "سوپای رووسیا 16 ههزار و 400 سهرباز، 117 فڕۆكه، 127 ههلیكۆپتهر و 575 تانكی لهدهست داوه."
سەرچاوە: AFP
H.H