مووشەک ئاراستەی بارەگایەکی هێزەکانی تورکیا دەکرێن
K24 – هەولێر
درەنگانی شەوی رابردوو لە سنووری باشیک، مووشەک ئاراستەی سەربازگەی هێزەکانی تورکیا کران.
پەیجی دژەتیرۆری کوردستان بڵاویکردەوە "لە دەوروبەری گوندی دراویش لە ناحیەی باشیکی سەر بە پارێزگای نەینەوا، پێنج مووشەک ئاراستەی سەربازگەی زێلکان کرا کە تێیدا هێزەکانی تورکیا لەخۆ دەگرێت".
بە گوێرەی زانیارییەکانی دژەتیرۆری کوردستان "دوو مووشەک لەناو سەربازگەکە کەوتوونەتە خوارەوە و، سێ مووشەکی دیکەش لە چیای باشیک کەوتوونەتە خوارەوە و هیچ زیانێکی گیانی نەبووە".