له سنووری پارێزگای هه‌ولێر ده‌وام كه‌مكرایه‌وه
K24 - هه‌ولێر:
نووسینگه‌ی پارێزگاری هه‌ولێر راگه‌یه‌ندراوێكی بڵاوكرده‌وه، تییدا هاتووه، ده‌وامی فه‌رامانبه‌رانی سنووری پارێزگای هه‌ولێر به بۆنه‌ی هاتنی مانگی ره‌مه‌زانی پیرۆز كه‌مكرایه‌وه.
هه‌روه‌ها نووسینگه‌ی پارێزگار راشیگه‌یاند، ئەم بڕیارە کەرتی پەروەردە و تەندروستی و خوێندنی باڵا و سنووری ئیدارەی سۆران ناگرێتەوە.
ده‌قی راگه‌یه‌ندراو:
بەبۆنەی هاتنی مانگی پیرۆزی ڕەمەزان، لەسەر فەرمانی بەڕێز پارێزگاری هەولێر، بڕیاردرا بەکەمکردنەوەی دوامی فەرمی دیوانی پارێزگا و سەرجەم قائیمقامیەت و ناحیەکان و بەڕێوەبەرایەتی و بەڕێوەبەرایەتییە گشتیەکانی سنووری پارێزگای هەولێر، بەمشێوەیەی لای خوارەوە:
یەکەم/ که‌مکردنه‌وه‌ی یه‌ک کاتژمێری ده‌وام، واته‌کاتژمێر 9ـی بەیانی دەوامی فەرمی دەست پێدەکات.
دووەم/ ئەم بڕیارە کەرتی پەروەردە و تەندروستی و خوێندنی باڵا و سنووری ئیدارەی سۆران ناگرێتەوە.
دووبارە هاتنی مانگی ڕەمەزانی پیرۆز لە هەموولایەک پیرۆزبێت و داواکارین لە خوای گەورە رۆژوو و عیبادەتی مانگی ڕەمەزانی هەموو لایەک قبوڵ بکات و ئەم مانگە ببێتە مایەی خێر و بەرکەت و خۆشی بۆ هەموولایەک.
نووسینگەی پارێزگاری هەولێر
2022.4.2