قوباد تاڵه‌بانی: ھەرێمی كوردستان دەتوانێت ببێتە سەبەتەیەكی بەھێزی خۆراك بۆ ناوخۆ و ناوچەكە
K24 - هه‌ولێر:
قوباد تاڵەبانی، جێگری سەرۆكی حكومەتی ھەرێمی كوردستان لە یۆنان بۆ كوردستان24 رایگه‌یاند، ھەرێمی كوردستان دەتوانێت ببێتە سەبەتەیەكی بەھێزی خۆراك بۆ ناوخۆ و ناوچەكە و كابینەی نۆیەمی حكومەتیش كار بۆ ئەوە دەكات.
قوباد تاڵەبانی دەبارەی بەھێزكردنی پەیوەندییەكانی نێوان ھەرێمی كوردستان و یۆنان گوتی: ماوەیەك پێش ئێستا سەرۆكی حكومەتی ھەرێمی كوردسان لە یونان بووه و ئێستاش شاندێكی حكومەت و سەرۆكایەتی حكومه‌تی ھەرێمی كوردستان لە یۆنانین و گرنگی بە پەیوەندیی و بۆچوونەكانمان دەدەین بۆ ئەوەی پەیوەندییەكانمان بەھێز بكەین.
گوتیشی "ھەرێمی كوردستان دەتوانێت ببێتە سەبەتەیەكی بەھێزی خۆراك بۆ ناوخۆ و ناوچەكە و كابینەی نۆیەمی حكومەتیش كار بۆ ئەوە دەكات".