دوو وڵاتی دیکە دەبنە ئەندامی ناتۆ
K24 – هەولێر
بڕیارە لە هاوینی ئەمساڵدا سوید و فینلەندا ببنە ئەندام لە ناتۆ.
رۆژنامەی تایمزی بەریتانی، لە زاری بەرپرسانی ئەمەریکی بڵاویکردووەتەوە، هاوینی ئەمساڵ سوید و فنلەندا دەبنە ئەندامی هاوپەیمانی باکووری ئەتلەسی، کە بە هاوپەیمانی ناتۆ ناسراوە.
رۆژنامەکە ئاشکرایکردووە، بابەتی ئەندامبوونی ئەو دوو وڵاتە لە کۆبوونەوەکانی هەفتەی رابردووی وەزیرانی دەرەوەی سوید و فنلەندا، لەگەڵ وڵاتانی ئەندامی هاوپەیمانێتییەکە گفتوگۆی لە سەرکراوە.
پێشبینی دەکرێت، لە مانگی حوزەیرانی داهاتوو فنلەندا داواکاریی ئەندامبوونی پیشکەش بکات و دواتریش سوید داواکاری خۆیی پێشکەش بکات.