دەرگای سێیەمی بازرگانی لە دەروازەی نێودەوڵەتی حاجی ئۆمەران کرایەوە
کوردستان
پارێزگای هه‌ولێر
ده‌روازه‌ی نێوده‌وڵه‌تی
حاجی ئۆمەران
كۆماری ئیسلامی ئێران
هه‌رێمى كوردستان
K24- هه‌ولێر:
پارێزگای هه‌ولێر ئاشكرای ده‌كات، دەرگای سێیەمی بازرگانی لە دەروازەی نێودەوڵەتی حاجی ئۆمەران لە نێوان هەرێمی کوردستان و کۆماری ئیسلامی ئێران کرایەوە.
پارێزگای هه‌ولێر راگه‌یه‌ندراوێكی بڵاوكرده‌وه، تییدا هاتووه، دوای واژووکردنی رێککەوتنامە 16 خاڵییەکەی نێوان هه‌ردوو پارێزگاری هەولێر و ئازەربایجانی رۆژئاوای ئێران، ئەمڕۆ چوارشەممە 13ـی نیسان / ئه‌پرێلی 2022، به ئاماده‌بوونی بەرپرسانی حکومی هەر دوو دەروازەکە، دەروازەی سێیەمی حاجی ئۆمەران و تەمەرچین، کرایەوە.