رووسیا هه‌ڕه‌شه‌ له‌ سوید و فینله‌ندا ده‌كات

ئه‌گه‌ر ئه‌مه‌ بكه‌ن كاردانه‌وه‌ی ده‌بێت
ماریا زاخارۆڤا، وته‌بێژی وه‌زاره‌تی ده‌ره‌وه‌ی رووسیا
ماریا زاخارۆڤا، وته‌بێژی وه‌زاره‌تی ده‌ره‌وه‌ی رووسیا

K24- هه‌ولێر:

وه‌زاره‌تی ده‌ره‌وه‌ی رووسیا هۆشداری دایه‌ فینله‌ندا و سوید، له‌ ئه‌گه‌ری چوونه‌ ناو ریزه‌كانی ناتۆ، سزای گه‌وره‌ی بۆ سه‌ر ئه‌وان و سه‌قامگیری ئه‌وروپا ده‌بێت.

ماریا زاخارۆڤا، گوته‌بێژی وه‌زاره‌تی ده‌ره‌وه‌ی رووسیا راگه‌یه‌ندراوێكی بڵاوكرده‌وه‌، تێیدا هاتووه‌، پێویسته‌ فینله‌ندا و سوید له‌و سزا گه‌ورانه‌ تێبگه‌ن.

زاخۆرۆفا راشیگه‌یاند، ئه‌م هه‌نگاوانه‌ی ستۆكهۆڵم و هێلسنكی كاریگه‌ریان بۆ سه‌ر سه‌قامگیری و ئاسایشی ئه‌وروپا ده‌بێت.

به‌ره‌به‌یانی 24ی شوبات (فێبرایه‌ری 2022) به‌كاتی ئۆكرانیا، رووسیا له‌ 3 قۆڵه‌وه‌ هێرشی زه‌مینی و ئاسمانی كرده‌ سه‌ر ئۆكرانیا، زیاتر لە 50 رۆژه‌ شەڕ و پێکدادان لەنێوان سوپای رووسیا و ئۆکرانیا بەردەوامی هەیە، ئۆپەراسیۆنی سەربازی رووسیا لە خاکی ئۆکرانیادا کاردانەی نێودەوڵەتیی بەدوای خۆیدا هێنا و ژمارەیەک لە وڵاتان سزای ئابووری و دارایی قورسیان بەسەر مۆسکۆدا سەپاند.