پەیاما پیرۆزباهیێ یا سەرۆکێ حکومەتا هەرێما کوردستانێ ب هەلکەفتا سەر ساڵا ئێزیدییان

K24- هه‌ولێر:

ب هه‌لكه‌فتا هاتنا جه‌ژنا سه‌رساڵا ئێزدیان، مه‌سرور بارزانی، سه‌رۆكی حكومه‌تا هه‌رێما كوردستان په‌یامه‌كه‌ پیرۆزباهیێ راستی ته‌ڤایا خوشك و برایێن ئۆلا ئێزدیان كرد و هیڤی خوه‌ست، جه‌ژنا ئیساڵ د ره‌وه‌شه‌كه‌ ته‌نا و خوه‌شیێدا ده‌رباس بكن.

ته‌كستا په‌یاما پیرۆزباهیا سه‌رۆكی حكومه‌تا هه‌رێما كوردستانێ ژبۆ ئێزدیان:

ب هەلکەفتا هاتنا سەر ساڵا ئێزیدییان (چارشەما سەرێ نیسانێ) گەرمترین پیرۆزباهییان ل تەڤایا خوشك و برایێن ئێزیدی ل کوردستانێ و عێراقێ و جیهانێ دکەم. هیڤیدارم د کەش و سەقایەکێ ئاشتی و تەناهی و خۆشیێدا ڤێ جەژنێ ببوورينن.

ب پێدڤی دزانم دڤێ هەلکەفتێدا جارەکا دی ژی، خوشک و برایێن ئێزیدی پشتراست بکەمەڤە، کو ئەم وەکوو هەردەم دێ د بەردەوام بین لسەر پشتەڤانیا ماف و داخوازیێن وان و ل بەراهییا هەموویان درێژیدان ب بزاڤێن مە لگەل حکومەتا فیدراڵ و جڤاکا نێڤدەولەتی، بۆ ئاساییکرنەڤا رەوشا شنگالێ وناوچەیێن دەوروبەرێن وێ، ب رێکا دەرکەفتنا هێزێن چەکدار  یێن نە یاسایی، کو بووینە ئەگەرێ گەفێ لسەر ئاسایش و سەقامگیرییا وێ ناوچەیێ و ب وێ سەدەمێ ئەو دەڤەر ھەتا نھۆ نەھاتیە ئاڤەدانکرنەڤە و ئاوارە نە شیاینە ب سەربلندی بزڤڕنەڤە سەر وارگەهێن خۆ.

سەرساڵا وە پیرۆز بیت و هیڤیدارم هەرتم د خۆشی و ئاشتیێ دا بن.

مەسرور بارزانی

سەرۆکێ حکومەتا هەرێما کوردستانێ