مانگی رابردوو عێراق بایی 10 ملیار دۆلار نه‌وتی فرۆشتووه‌

"ئاستی ده‌رهێنانی نه‌وتی خام گه‌یشتووه‌ته‌ 101 ملیۆن و 390 هه‌زار و 662 به‌رمیل"
فرۆشی نه‌وتی عێراق ئاسته‌كه‌ی به‌رز بووه‌ته‌وه‌ و رێژه‌ی هه‌ژاریش رۆژ دوای رۆژ زیاتر ده‌بێت
فرۆشی نه‌وتی عێراق ئاسته‌كه‌ی به‌رز بووه‌ته‌وه‌ و رێژه‌ی هه‌ژاریش رۆژ دوای رۆژ زیاتر ده‌بێت

K24 - هه‌ولێر:

وه‌زاره‌تی نه‌وتی عێراق داهاتی مانگی رابردوو (نیسان / ئه‌پرێڵی 2022)ـی فرۆشی نه‌وتی بڵاوكرده‌وه‌.

وه‌زاره‌تی نه‌وتی عێراق راگه‌یه‌ندراوێكی بڵاوكرده‌وه‌ تێیدا رایگه‌یاند، بڕی 10 ملیار و 550 ملیۆن دۆلار، داهاتی فرۆشی نه‌وتی عێراق بووه‌ بۆ مانگی نیسانی رابردوو.

وه‌زاره‌تی نه‌وتی عێراق راشیگه‌یاند، ئاستی ده‌رهێنانی نه‌وتی خام گه‌یشتووه‌ته‌ 101 ملیۆن و 390 هه‌زار و 662 به‌رمیل، رۆژانه‌ 3 ملیۆن 380 به‌رمیلیش به‌ (104.091) دۆلار ده‌فرۆشرێت.

له‌مباره‌یه‌وه‌ عاسیم جیهاد، گوته‌بێژی وه‌زاره‌تی نه‌وتی عێراق رایگه‌یاند، راگه‌یاندنی داهاتی فرۆش و هه‌نارده‌ی نه‌وت، بۆ سیاسه‌تی شه‌فافییه‌تی وه‌زاره‌تی نه‌وتی عێراق ده‌گه‌ڕێته‌وه‌.