"ئه‌گه‌ری هاتنه‌ده‌نگی سیستانی له ئارادایه"
K24 – هه‌ولێر:
بێوار عه‌بدولڕه‌حمان شاره‌زای كاروباری شیعه و مه‌رجه‌عییه‌ته و له میانی به‌شداریكردنی له گه‌شتی هه‌واڵه‌كانی كوردستان24 رایگه‌یاند، عێراق له ته‌نگژه‌دایه و ته‌نیا ئومێدێك مابێت هاتنه ده‌نگی عه‌لی سیستانی، گه‌وره مه‌رجه‌عی زۆرینه‌ی شیعه‌كانی عێراقه.
ئه‌و چاودێر و شاره‌زایه له‌و بڕوایه‌دایه، دوای جه‌ژنی ره‌مه‌زانی پیرۆز، عه‌لی سیستانی دێته ده‌نگ و ئه‌گه‌ری دیداری موقته‌دا سه‌در و سیستانیش له ئارادایه.
پێشتر دووجار موقته‌دا سه‌در سه‌ردانی سیستانی كردووه، ئه‌مه له كاتێكدایه له 2012ه‌وه سیستانی ده‌رگای به رووی سه‌ركرده سیاسییه‌كانی عێراقدا داخستووه.