یەكەم حاڵەتی مردن بە تای خوێنبەربوون لە كەركووك تۆماركرا
K24– كەركووك:
دوای هەفتەیەك مانەوە لە نەخۆشخانەی شیفا هاووڵاتییەك بە تای خوێنبەربوون گیانی لەدەستدا.
سەرچاوەیەك لە تەندروستی كەركووك هەواڵەكەی بۆ كوردستان24 پشتڕاتكردەوە و رایگەیاند ئەو هاووڵاتییە تەمەنی 47 ساڵە و پیشەی گۆشتفرۆشییە و خەڵكی گەڕەكی موسەڵڵای شاری كەركووكە.
ئه‌و سه‌رچاوه راشیگه‌یاند، پزیشك و كارمەندان هەوڵی زۆریاندا چارەسەری پزیشكی بۆ بكەن، بەڵام بەهۆی ئەوەی درەنگ گەیەندراوەتە نەخۆشخانە، چارەسەرەكان كاریگه‌رییان لەسەری نەبووە.
