له رووداوێكی هاتووچۆدا 8 كه‌س بریندار بوون
له‌م پارێزگایه روویداوه
K24 – هه‌ولێر:
سه‌رچاوه‌یه‌كی ئه‌منی له كه‌ركووك ئاشكرای ده‌كات، رووداوێكی هاتووچۆ له نزیك قه‌زای داقووق له باشووری ئه‌م پارێزگایه روویدا و تێیدا 8 كه‌س زامدار بوون.
ئه‌و سه‌رچاوه ئه‌منییه له كه‌ركووك راشیگه‌یاند، ئه‌مڕۆ (چوارشه‌ممه 11ـی ئایار/ مایۆی 2022) رووداوێكی هاتووچۆ له نزیك قه‌زای داقووقی سه‌ر به پارێزگای كه‌ركووك روویدا و بووه هۆی برینداربوونی 8 كه‌س، كه حاڵه‌تی ته‌ندروستی سێ كه‌سیان سه‌خته.
ئه‌و سه‌رچاوه ئه‌منییه روونیكرده‌وه، برینداره‌كان گوازرانه‌وه نه‌خۆشخانه، حاڵه‌تی سێ كه‌سیان ناله‌باره و به‌هۆی زۆر به‌كار هێنانی رێگای كه‌ركووك – به‌غدا بووه‌ته سه‌رچاوه‌ی رووداوه‌كانی هاتووچۆو رێگای مه‌رگ له عێراقدا.