پەیاما پیرۆزباهییا سەرۆکێ حکومەتا هەرێما کوردستانێ ب هەلکەفتا ساڵڤەگەڕا دامەزراندنا بنگەهێ لالش

مه‌سرور بارزانی: بنگه‌هێ لالش خزمه‌ته‌كا هێژا و دیار یا كولتوورا كوردی و چاندا ئێزدیان كرییه‌
مه‌سرور بارزانی، سه‌رۆكی حكومه‌تی هه‌رێمی كوردستان
مه‌سرور بارزانی، سه‌رۆكی حكومه‌تی هه‌رێمی كوردستان

K24 – هه‌ولێر:

ب هه‌لكه‌فتا 29ـه‌مین ساڵڤه‌گه‌را دامه‌زراندنا بنگه‌هێ لالش یا چاند و جڤاكی، مه‌سرور بارزانی، سه‌رۆكی حكومه‌تا هه‌رێما كوردستان په‌یامه‌كه‌ پیرۆزبایێ راستی بنگه‌هێ ناڤهاتی كر و ته‌كه‌ز كرد، بنگه‌هێ لالش خزمه‌ته‌كا هێژا و دیار یا كولتوورا كوردی و چاندا ئێزدیان كرییه‌.   

ئه‌ڤ ژی ته‌كستا په‌یاما سه‌رۆكی حكومه‌تا هه‌رێما كوردستان ژبۆ ساڵیادا دامه‌زراندنا بنگه‌هێ لالش:

رێزداران ئەندامێن ده‌سته‌يا بلندا بنگه‌هێ لالش يێ چاندی و جڤاکی:

 ب هەلکەفتا بیست و نەهەمین ساڵڤەگەڕا ئاڤاکرنا بنگەهێ لالش یێ چاندی و جڤاکی، گەرمترین پیرۆزباهییان ل هەوە و خوشک و برایێن ئێزیدی دکەم. هیڤیدارم هەرتم دسەرکەفتی بن د کار و خەباتا خوە دا.

بنگەهێ لالش خزمەتەکا هێژا و دیار یا کەلتوورێ کوردی و چاندا ئێزدییاتێی کرییە. دەستخوەشیێ ل هەوە دکەم و هیڤیا پێشکەڤتنێ بۆ هەوە دخوازم.

مەسرور بارزانی

سەرۆکێ حکومەتا هەرێما کوردستانێ

تێزانین، رۆژا (12ی ئایارا 1993)، بنگه‌هێ چاند و جڤاكی یێ ئێزدی ل پارێزگه‌ها دهۆكێ لژێر دروشمێ (لالش كانییه‌كا زه‌لاله‌ و دهه‌ڕكه‌ چه‌مێ چاندا كوردی) یه‌كه‌م كۆنگره‌یا دامه‌زراندنا خوه‌ بڕێڤه‌بر.