ئارامکۆ دەبێتە دەوڵەمەندترین کۆمپانیای جیهان
K24 – ههولێر:
بەهای بازاڕی کۆمپانیای ئارامکۆی سعودیە، پێش کۆمپانیای ئەپڵ کەوت و بووە دەوڵەمەندترین کۆمپانیا لەسەر ئاستی جیهان.
بە گوێرەی راپۆرتێکی ئاژانسی بلوومبێرگ، بەهای بازاڕی کۆمپانیای ئارامکۆ گەیشتە دوو ترلیۆن و 430 ملیار دۆلار، بەمەش پێش کۆمپانیای ئەپڵ کەوت کە بەهای بازاڕییەکەی 2 ترلیۆن و 410 ملیار دۆلارە.
ئەمە لە کاتێکدایە کۆمپانیای ئەپڵ وەک یەکەم کۆمپانیا لە مێژوودا بەهای بازاڕییەکەی بۆ سێ ترلیۆن دۆلار بەرزبووەوە، بەڵام دواتر بەها بازاڕییەکەی بەشێوەیەکی بەرچاو دابەزی.