وڵاتی دۆمینیکا پێدانی پاسپۆرت و مافی هاوڵاتیبوونی بە خەڵکی هەرێمی کوردستان راگرت
K24- ههولێر:
لە راگەێندراوێکدا حکومەتی دۆمینیکا رایگهیاند، پێدانی مافی هاوڵاتیبوون به هاووڵاتییانی ژمارهیهك وڵات بان کراون، لەناویشیان هاووڵاتیانی هەرێمی کوردستان.
لە راگەێندراوەکەی حکومەتی دۆمینیکادا هاتووە: چیتر هاووڵاتیانی هەرێمی کوردستان لە شارەکانی هەولێر، سلێمانی، دهۆك، کەرکووك، ئامێدی، سۆران، رانیە، زاخۆ و لالش ناتوانن بە مەبەستی وەبەرهینان مامەڵەی وەرگرتنی مافی هاوڵاتبوون و پاسپۆرتی دۆمینیکا ئەنجام بدەن.
ئەو وڵاتانەی حکومەتی دۆمینیکا بانیکردوون، جیا لە هەرێمی کوردستان هەریەك لە سودان، کۆریای باکوور، روسیا و بێلاروسیاشی تێدایە.
ژمارهیهك كۆمپانیا لە هەرێمی کوردستان ماوهی چەند ساڵێکە لەرێگەی پێشکەشکردنی مامەڵەی بازرگانی و وەبەرهێنان لە وڵاتی دۆمینیکا، پاسپۆرت و مافی هاووڵاتیبوون بۆ خەڵکی هەرێمی کوردستان وەردەگرن.
بۆ لەمەودوا مامەڵەی هاووڵاتیانی هەرێمی کوردستان وەرناگیرێت.
H.B