35 ساڵ به‌سه‌ر راپه‌ڕینی خه‌ڵكی هه‌ڵه‌بجه‌ و شاره‌زوور و هه‌وراماندا تێده‌په‌ڕێت

هه‌ڵه‌بجه، خورماڵ، سیروان و سه‌یدسادق رزگار كران و باره‌گاكانی به‌عس سووتێنران
دیمه‌نێكی راپه‌ڕینی هاووڵاتیانی كورد له‌ دژی رژێمی به‌عس
دیمه‌نێكی راپه‌ڕینی هاووڵاتیانی كورد له‌ دژی رژێمی به‌عس

K24 – هه‌ولێر:

رۆژی 13ی ئایاری 1987، رۆژی راپه‌ڕینی خه‌ڵكی هه‌ڵه‌بجه‌ و ده‌ڤه‌ره‌كانی شاره‌زوور و هه‌ورامانه‌ له‌ دژی رژێمی به‌عس، كه‌ دواتر سوپای به‌عس به‌ یارمه‌تی و پێشڕه‌وی فه‌وجه‌كانی جاش و بۆردومانی فڕۆكه‌ و تۆپخانه‌كانی راپه‌ڕینه‌كه‌یان سه‌ركوت كرد.

35 ساڵ به‌ر له‌ ئه‌مڕۆ سه‌رجه‌م داموده‌زگا و باره‌گاكانی ئه‌من و ئیستخباراتی عێراق و مونه‌زه‌مه‌كانی به‌عس له‌ خورماڵ، سیروان، سه‌یدسادق و هه‌ڵه‌بجه‌ له‌ لایه‌ن هاووڵاتیانی راپه‌ڕیوی ناوچه‌كانه‌وه‌ سووتێنران.

محه‌مه‌دی حاجی مه‌حموود، له‌ كتێبی رۆژمێری پێشمه‌رگه‌یه‌ك، له‌ باره‌ی راپه‌ڕینه‌كه‌وه‌ نووسیویه‌تی: راپه‌ڕینی 13/5/1987، وه‌ڵامی خه‌ڵکی تێکۆشه‌ری ئه‌و ناوچه‌یه‌ بوو به‌رامبه‌ر به‌ بڕیاری ڕژێمی به‌عس بۆ به‌زه‌برو زۆر چۆڵکردنی گونده‌کانی ئه‌و ده‌ڤه‌ره‌ بۆ ئۆردوگا زۆره‌ملێکان.

دواتر، رژێمی به‌عس به‌ هێلیكۆپته‌ر و فڕۆكه‌ی جه‌نگی و هێنانی چه‌ندین فه‌وجی جاش و یه‌كه‌ی سوپا توانی ده‌ست بگرێته‌وه‌ به‌سه‌ر ناوچه‌ رزگاركراوه‌كاندا و له‌ ئاكامی بۆردومانه‌كانی رژێمدا چه‌ندین هاووڵاتی شه‌هید بوون و ده‌یانی دیكه‌ ده‌ستگیركران، كه‌ دواتر زینده‌به‌چاڵ كران و له‌ دوای راپه‌ڕینی 1991 به‌شێك له‌ روفاتی شه‌هیده‌كان له‌ نزیك سه‌ربازگه‌ی سه‌یدسادق و به‌شێكی دیكه‌یان له‌ نزیك گوندی بامۆكی هه‌ڵه‌بجه‌ گۆڕه‌كانیان هه‌ڵدرانه‌وه‌.

به‌ گوێره‌ی ئاماره‌ نافه‌رمییه‌كان له‌ ئاكامی په‌لاماره‌كانی سوپای عێراق و جاش، 52 هاووڵاتی راپه‌ڕیو شه‌هید بوون، كه‌ له‌ كتێبیی بیره‌وه‌رییه‌كانی پێشمه‌رگه‌یه‌ك ناوی 37 شه‌هیدیان تۆمار كراوه‌.

دوای له‌شكركێشییه‌كه‌ی سوپای عێراق، شه‌وی 13/14ی ئایار/ مایۆی 1987 نزیكه‌ی 10 هه‌زار هاووڵاتی دانیشتووی ناوچه‌كه‌ و كه‌سایه‌تییه‌ ئاینییه‌كان و رێكخستنه‌ سیاسییه‌كان و وتاربێژ و مامۆستایانی ئاینی هه‌ڵه‌بجه‌ ئاواره‌ بوون و روویانكرده‌ ئێران و له‌وێ له‌ ئۆردوگاكانی په‌نابه‌راندا گیرسانه‌وه‌.

ناوی 37 شه‌هدی راپه‌ڕینه‌كه‌

1- ئه‌حمه‌د عه‌بدولکه‌ریم، خه‌ڵکی خورماڵ.

2-  ئه‌حمه‌د عه‌بدولکه‌ریم، خه‌ڵکی گوندی غوڵامی له‌ سیروان.

3-  نوری محه‌مه‌د حسێن- خورماڵ.

4-  نارد قادر- دێکۆنی خورماڵ.

5- حاجی مه‌جید هه‌ورامی- هانه‌قوڵی خورماڵ.

6- عه‌بدولکه‌ریم گوڵه‌- هه‌ڵه‌بجه‌.

7- حاجی سه‌ید ره‌مه‌زان-خورماڵ.

8-  حه‌سه‌ن سه‌عید- خورماڵ.

9- ئازاد حه‌سه‌ن- زه‌ڵم. خورماڵ.

10- فازڵ کوێخا محێدین- هه‌نه‌ی قوڵی خورماڵ.

11-  حه‌مه‌ نه‌جیب کاکه‌برا محه‌مه‌د- سیروان.

12- خه‌لیل ئیبراهیم مه‌حمود-سه‌یدسادق.

13- محه‌مه‌د دێوانه‌ ره‌سوڵ-گوندی گورگوچیای سیروان.

14- ئه‌حمه‌د شێخ محه‌مه‌د- سیروان.

15- ئه‌حمه‌د ئیسماعیل- ئه‌حمه‌دئاوا.

16- نه‌وزاد- ئه‌حمه‌دئاوا.

17- حاجی ساڵح زه‌ڵمی و کوڕێکی- خورماڵ.

18- عه‌لی- خورماڵ.

19- ره‌مه‌زان حه‌مه‌سه‌عید- خورماڵ.

20- بورهان- گوندی ده‌گا شێخانی بیاره‌.

21- سامان شه‌مسه‌دین- زه‌ڵم. خورماڵ.

22- عوسمان خاوه‌ر- خورماڵ.

23- حه‌مه‌که‌ریم حه‌مه‌شه‌ریف-ده‌ره‌ی مه‌ڕی خورماڵ.

24- ره‌حمان قادر- خورماڵ.

25- یونس ره‌حیم- ده‌ره‌ی مه‌ڕی خورماڵ.

26- حه‌مه‌نه‌جیب حه‌مه‌خان- ده‌ره‌ی مه‌ڕی خورماڵ.

27- زه‌ینه‌دین- ئه‌حمه‌د ئاوا.

28- حاجی ساڵح- ئه‌حمه‌دئاوا.

29- جه‌مال حاجی حامید-ئه‌حمه‌دئاوا.

30- عه‌بدولکوبرا قادر- تازه‌دێی خورماڵ.

31-  حه‌مه‌که‌ریم سۆفی- تازه‌دێی هه‌ڵه‌بجه‌.

32- حه‌مه‌خان حه‌مه‌ئه‌مین- ئێڵانپێی خورماڵ.

33- عه‌بدوڵا (عه‌به‌ ڕیشه‌ی سه‌رگه‌تی)- خورماڵ.

34- عه‌بدوڵا قادر-تازه‌دێی خورماڵ.

35- جه‌مال عه‌لی- سه‌رگه‌ت. بیاره‌.

36- حه‌مال حامید ساڵح- ئێڵانپێی خورماڵ.

37- سه‌لام حه‌مه‌ئه‌مین- ئێڵانپێی خورماڵ.

365