سێ پارتی باكووری كوردستان داوایهك لە پەکەکە دەکەن
K24 - ههولێر:
پارتەکانی باکووری کوردستان داوا لە پەکەکە دەکەن، دەستبەرداری سیاسەتی دژایەتکردنی هەرێمی کوردستان بێت و دەست لە کاروباری ناوخۆیی ئەو بەشەی کوردستانیش وەرنەدات.
پارتی ئازادی کوردستان و پارتی سۆسیالیستی کوردستان و تەڤگەری دیموکراتی کورد، راگەیاندراوێکی هاوبەشیان لەبارەی دەستێوەردانی پەکەکە لە کاروباری ناوخۆی هەرێمی کوردستان بڵاوکردهوە و بە پێویستیشی دادەنێن هەموو لایەنەکان پشتیوانی پاراستنی دەستکەوتەکانی هەرێمی کوردستان بکەن و نەبنە هۆکار بۆ لەدەستدانی ئەو دەستکەوتانە.
ئەو سێ پارتە ئاماژەیان بەوەشکردووە، کە پەکەکە بیانوو بە هیرشەکانی تورکیا و ئێران بۆ ناو خاکی هەرێمی کوردستان دەدات و بە پێویستیشی دادەنێن پەکەکە سیاسەتی خۆی بەرامبەر هەرێمی کوردستان بگۆڕێت.
لەبارەی شنگالیش ئەو سێ پارتەی باکووری کوردستان بە پێویستی دادەنێن شنگال ببێتە بەشێك لە خاکی هەرێمی کوردستان و داواش لە پەکەکە دەکەن رێز لە سەروەری و دەسەڵاتی هەرێمی کوردستان بگرێت