مهسرور بارزانی لهگهڵ بهڕێوهبهری ئاژانسی نێودهوڵهتی وزه كۆبوهوه
K24 – ههولێر:
مهسرور بارزانی، سهرۆكی حكومهتی ههرێمی كوردستان لهگهڵ بهڕێوهبهری جێبهجێكاری ئاژانسی نێودهوڵهتی وزه كۆبوهوه.
له چوارچێوهی دیدار و كۆبوونهوهكانی له كۆڕبهندی ئابووری داڤۆس2022، سهرۆكی حكومهتی ههرێمی كوردستان لهگهڵ فاتح بیرۆل، بەڕێوەبەری جێبەجێکاری ئاژانسی نێودەوڵەتیی وزە كۆبووهوه و داوایكرد، ئاژانسهكه یارمەتی ههرێمی كوردستان و عێراق بدات لە بواری تەکنیکی و راهێنان.
لهو میانهیهدا، مهسرور بارزانی، سهرۆكی حكومهتی ههرێمی كوردستان رایگهیاند، لە ماوەی 3 ساڵی ڕابردوودا، ئێمە گەورەترین پڕۆژهی گازی فلێرمان تەواو کرد بۆ بەرهەمهێنانی کارەبا، كە توانای 165مێگاواتی ههیه، ههروهها كار لهسهر پرۆژەی وزهی خۆر دهكهین و سێ کێڵگەی دروستكردنی وزهی خۆری 25 مێگاواتیمان تەندەر کردووه.
ئهمڕۆ مهسرور بارزانی، له دووهم رۆژی بهشداریكردنی له كۆڕبهندی ئابووری داڤۆس، ژمارهیهك دیدار و كۆبوونهوهی ئهنجامدا.