نوێترین زانیاری له‌باره‌ی گه‌یاندنی خزمه‌تگوزاری بۆ زه‌وییه‌كانی هه‌شتی حه‌سارۆك ده‌خرێته‌ڕوو
K24 – هه‌ولێر:
وه‌زاره‌تی شاره‌وانی و گه‌شتوگوزار ئاشكرای ده‌كات، یەكشەممەی داهاتوو یەكەم بڕە پارەی تەرخانكراوی زەوییه‌كانی هەشتی حەسارۆک دەگات، كه پاره‌كه‌ی بۆ گه‌یاندنی خزمه‌تگوزاری بۆ ئه‌م زه‌ویانه دابین ده‌كرێت.
وه‌زاره‌تی شاره‌وانی و گه‌شتوگوزار راگه‌یه‌ندراوێكی بڵاوكرده‌وه، تێیدا هاتووه، بۆ خێراگەیاندنی خزمەتگوزاری بۆ زه‌وییه‌كانی هەشتی حەسارۆک، سەرۆكایەتیی شارەوانیی هەولێر رۆژی یەكشەممەی داهاتوو (29/5/2022) كاتژمێر (12)ـی نیوەڕۆ، له رێگەی زیادكردنی ئاشكرا، فرۆشتنی ئەو زەوییانە رادەگەیەنێت كە تەواوی پارەكەی بۆ گەیاندنی خزمەتگوزاری بۆ هەشتی حەسارۆک تەرخان دەكرێت.
ژمارەی زەوییەكان:
1- 11561 /8ک 93حصاروک/ زەوی بازرگانی/ رووبەر: 3672 مەتر دووجا.
2- 11834 /8ک 93حصاروک/ زەوی بازرگانی/ رووبەر: 4752 مەتر دووجا.