په‌یامێكى سه‌ره‌خۆشى له‌ سه‌رۆك بارزانییه‌وه‌

سه‌رۆك بارزانی
سه‌رۆك بارزانی

K24 - هه‌ولێر:

به‌بۆنه‌ی كۆچی دوایی خوشكیان، سه‌رۆك بارزانی بروسكه‌یه‌كی سه‌رخۆشی ئاراسته‌ی رێبوار یه‌ڵدا، ئه‌ندامی مه‌كته‌بی سیاسی پارتی دیموكراتی كوردستان ده‌كات و تێیدا رایگه‌یاند، "خۆم بە هاوبەشی خەمتان دەزانم".

ده‌قی بروسكه‌كه‌:

بەناوی خودای مەزن و دلۆڤان

برای بەڕێز کاک رێبوار یەڵدا

بەداخێکی زۆرەوە هەواڵی کۆچی دوایی (مارلین یەڵدا)ـی خوشکی بەڕێزتانمان پێ گەیشت، پرسە و سەرەخۆشیی خۆم ئاراستەی ئێوە و خانەوادە بەڕێزەکەتان و  کەسوکار و ئاشنایانتان دەکەم و خۆم بە هاوبەشی خەمتان دەزانم.

لە خودای گەورە داواکارم سەبر و ئارامیتان پێ ببەخشێت و رۆحی خوالێخۆشبووش بە بەهەشتی بەرین شاد بێت.

مسعود بارزانی

28ـی ئایاری 2022