پەیامی سەرۆك بارزانی بۆ کۆچی دوایی تێکۆشەر و خەباتگێڕ گوڵەباغ
K24- هه‌ولێر:
به‌بۆنه‌ی كۆچی دوایی رەفیق عارف ئەمین ناسراو بە (گوڵەباغ)، پێشمه‌رگه‌ی هه‌ردوو شۆڕشی ئه‌یلوول و گوڵان و هه‌ڵگری مه‌دالیای بارزانی نه‌مر، سه‌رۆك مه‌سعود بارزانی پرسه‌نامه‌یه‌كی ئاراسته‌ی كه‌سوكار و بنه‌ماڵه‌كه‌ی كرد.
ده‌قی پرسه‌نامه‌ی سه‌رۆك بارزانی بۆ بنه‌ماڵه‌ی كۆچكردوو:
بەناوی خودای مەزن و دلۆڤان
بەداخێکی زۆرەوە هەواڵی کۆچی دوایی تێکۆشەر و خەباتگێڕی گەلەکەمان کاك رەفیق عارف ئەمین ناسراو بە (گوڵەباغ)ـمان پێ گەییشت.
هەڤاڵ گوڵەباغ پێشمەرگەی هەردوو شۆڕشی ئەیلوول و گوڵان و خاوەنی میدالیای بارزانیی نەمر و وەفاداری رێبازی کوردایەتی و کەسایەتییەکی تێکۆشەری ناوچەی کۆیە و کوردستان بوو، ژیانی خۆی لەپێناو ئازادی و سەرفیرازیی گەلەکەی تەرخان کرد و لەدەستدانی خەسارەتێکی گەورەیە.
سەرەخۆشی لە خۆمان و بنەماڵە و کەسوکار و ئاشنایانی گوڵەباغ و هەموو پێشمەرگە و تێکۆشەرانی کوردستان دەکەم و خۆم بە هاوبەشی خەمیان دەزانم.
لە خودای مەزن داوکارم گیانی خوالێخۆشبوو گوڵەباغ بە بەهەشتی بەرین شاد بکات و سەبر و ئارامی بە هەموو لایەک ببەخشێت.
انا للە و انا الیە راجعون
مسعود بارزانی
29ـی ئایاری 2022
H.B