رێبوار تاڵه‌بانی: بڕیاره‌كه‌ی دادگا سیاسییه‌ نه‌ك یاسایی

رێبوار تاڵه‌بانی: ئاگاداری بڕیاری دادگا نیم و هیچ ئاگاداركردنه‌وه‌یه‌ك بۆ خۆم و پارێزه‌ره‌كه‌م نه‌هاتووه‌
رێبوار تاڵەبانی، سەرۆكی پێشووی ئەنجومەنی پارێزگای كەركووك و راوێژكاری ئێستای ئەنجومەنی وەزیرانی حكومەتی هەرێمی كوردستان
رێبوار تاڵەبانی، سەرۆكی پێشووی ئەنجومەنی پارێزگای كەركووك و راوێژكاری ئێستای ئەنجومەنی وەزیرانی حكومەتی هەرێمی كوردستان

K24 - هه‌ولێر:

‎دادگای كەركووك سزای شەش ساڵ زیندانیكردنی بەسەر رێبوار تاڵەبانی، سەرۆكی پێشووی ئەنجومەنی پارێزگای كەكووك سەپاند و گەشتكردنیشی لێ قەدەغەكرد.

‎لە نووسراوەكەی دادگای كەركووك، كە بە ماددەی 340‌، رێبوار تاڵەبانی پێ سزادراوە، ناوەڕۆكی ماددەكە و جۆری تاوانەكەی دیارینەكردووە.

‎سەبارەت بە بڕیارەكەی دادگا "رێبوار تاڵەبانی"، سەرۆكی پێشووی ئەنجومەنی پارێزگای كەركووك و راوێژكاری ئێستای ئەنجومەنی وەزیرانی حكومەتی هەرێمی كوردستان بە كوردستان24ی راگەیاند، ئەو ئاگاداری بڕیارەكەی دادگای كەركووك نییە و هیچ ئاگاداركردنەوەیەك بۆ خۆی و پارێزەرەكه‌شی نەهاتووە، بڕیارەكەشی بە سیاسی وەسفكرد.

‎ رێبوار تاڵەبانی پێیوایە، بەشداریكردنی لە پرۆسەی ریفراندۆم و بڕیاری بەرزكردنەوەی ئاڵای كوردستان و هەڵوێستەكانی بەرامبەر بە داگیركارییەكانی دوای 16ی ئۆكتۆبەر، هۆكارن بۆ دەركردنی ئەو بڕیارە.

نووسراوی دادگای كه‌ركووك له‌باره‌ی بڕیاری سزادانی رێبوار تاڵه‌بانی
نووسراوی دادگای كه‌ركووك له‌باره‌ی بڕیاری سزادانی رێبوار تاڵه‌بانی